اسلام آباد۔ 22 مئی (اے پی پی) چیئرمین سینیٹ سید یوسف رضا گیلانی اسلام آباد اچ قائم دارِ علی ابن ابی طالب یتیم خانہ تے سکول دا دورہ کیتا، جتھ انھاں تعلیمی تے رہائشی سہولیات، کلاس رومز، ووکیشنل ٹریننگ سینٹرز تے تفریحی مقامات دا معائنہ کیتا۔ ایں موقع تے انھاں طلبہ تے طالبات تے تدریسی عملے نال ملاقات کیتی تے یتیم ٻالاں کوں فراہم کیتی ونڄݨ آلی تعلیم، نگہداشت تے …
ملاقات اچ ݙوہیں رہنماواں صحت دے شعبے اچ تعاون ودھاوݨ تے اتفاق کیتا اتے ݙوہیں ملک صحت دے شعبے دی بہتری کیتے رل تے کم کرݨ دے عزم دا اعادہ کیتا،چیئرمین سینیٹ دا دارِ علی ابن ابی طالب یتیم خانہ تے سکول دا دورہ، فلاحی تے تعلیمی خدمات کوں سراہیا
مزید خبراں
اسلام آباد۔ 22 مئی (اے پی پی) چیئرمین سینیٹ سید یوسف رضا گیلانی اسلام آباد اچ قائم دارِ علی ابن ابی طالب یتیم خانہ تے سکول دا دورہ کیتا، جتھ انھاں تعلیمی تے رہائشی سہولیات، کلاس رومز، ووکیشنل ٹریننگ سینٹرز تے تفریحی مقامات دا معائنہ کیتا۔ ایں موقع تے انھاں طلبہ تے طالبات تے تدریسی عملے نال ملاقات کیتی تے یتیم ٻالاں کوں فراہم کیتی ونڄݨ آلی تعلیم، نگہداشت تے تربیت دے معیار کوں سراہیا۔ سینیٹ سیکرٹریٹ توں جاری بیان دے مطابق چیئرمین سینیٹ ادارے دی انتظامیہ تے اساتذہ دی کوششاں کوں خراجِ تحسین پیش کریندیں ہوئیں آکھیا جو یتیم تے معاشرے دے کمزور طبقات توں تعلق رکھݨ آلے ٻالاں دی فلاح و بہبود تے تعلیم اساں سب دی مشترکہ ذمہ واری اے۔ انھاں ایں امر تے زور ݙتا جو معیاری تعلیم، فنی مہارتاں دی فراہمی تے سازگار ماحول ٻالاں کوں باصلاحیت تے خودمختار شہری بݨاوݨ اچ اہم کردار ادا کریندن۔ دورے دے دوران چیئرمین سینیٹ کوں ادارے دی تعلیمی، فلاحی تے تربیتی سرگرمیاں بارے اچ تفصیلی بریفنگ ݙتی ڳئی۔ انھاں ایں سلسلے اچ مسلم ورلڈ لیگ ولوں انسانی خدمت تے سماجی بہبود دے میدان اچ انجام ݙتی ونڄݨ آلی خدمات کوں سراہیندیں ہوئیں آکھیا جو ایجھے ادارے معاشرے دے محروم طبقات دی زندگیاں اچ مثبت تبدیلی گھن آوݨ اچ اہم کردار ادا کریندن. ایں موقع تے انٹرنیشنل اسلامک ریلیف آرگنائزیشن دے ریجنل ڈائریکٹر سعد مسعود الحارثی وی موجود ہن۔ انھاں چیئرمین سینیٹ دی آمد تے انھاں دا شکریہ ادا کیتا۔ ملاقات دے دوران چیئرمین سینیٹ ملتان دی تاریخی، تہذیبی تے ثقافتی اہمیت تے وی روشنی پاتی تے پاکستان دی قدیم روایات تے ثقافتی ورثے دا ݙسیا۔
