سندھ طاس معاہدہ بدستور نافذ اے، پاکستان قانونی، سفارتی تے معاہدے تے مبنی میکانزم تے عمل نال آپݨے حقوق دا تحفظ جاری رکھیسی، ترجمان دفترِ خارجہ

اسلام آباد۔ 22 مئی (اے پی پی) پاکستان آکھیے جو سندھ طاس معاہدہ بدستور نافذ اے تے پاکستان قانونی، سفارتی تے معاہدے تے مبنی میکانزم تے عمل دے ذریعے آپݨے حقوق دا تحفظ جاری رکھیسی۔ ترجمان دفترِ خارجہ طاہر حسین اندرابی جمعہ کوں اتھاں ہفتہ وار پریس بریفنگ دے دوران ہک سوال دے جواب اچ آکھیا جو پاکستان کشن گنگا تے رتلے ہائیڈرو الیکٹرک پراجیکٹس دے حوالے نال ثالثی عدالت ولوں جاری کردہ ضمنی ایوارڈ دا خیرمقدم کیتے، ایوارڈ پاکستان دے دیرینہ موقف دی توثیق اے جو معاہدے مغربی دریاواں تے بھارت دی آبی کنٹرول دی صلاحیتاں تے کافی حداں عائد کیتن، پاکستان واضح کیتے جو رن آف دی ریور منصوبیاں کیتے آپریشنل مفروضے حقیقت پسندانہ، شواہد تے مبنی تے تکنیکی اعداد و شمار دی حمایت یافتہ ہووݨے چاہیدن۔ ترجمان دفترِ خارجہ آکھیا جو پاکستان سندھ طاس معاہدے تے ایں دے تنازعات دے حل دے طریقہِ کار تے مضبوطی نال کاربند اے اتے معاہدے دے تحت آپݨے حقوق دا تحفظ کریندے۔ سندھ طاس معاہدہ دے حوالے نال انھاں آکھیا جو 15 مئی کوں کورٹ آف آربٹریشن دے فیصلے پاکستان دے موقف دی توثیق کیتی اے جئیں اچ آکھیا ڳیا جو بھارت کوں مغربی دریاواں تے منصوبیاں اچ محدود ہووݨا تے تکنیکی تقاضیاں دا پابند ہووݨا پوسی۔ انھاں آکھیا جو پاکستان معاہدے تے مکمل عملدرآمد تے آپݨے حقوق دے تحفظ کیتے پرعزم اے۔ ترجمان آکھیا جو اے ایوارڈ پاکستان دے ایں دیرینہ موقف دی تصدیق کریندے جو اے معاہدہ مغربی دریاواں تے بھارت دی آبی کنٹرول دی صلاحیتاں تے کافی حداں لیندے۔ ایوارڈز حتمی، پابند تے بعد دے معاہدہ دے عمل کیتے مستند ہن، پاکستان انھاں تشریحات کوں نیوٹرل ایکسپرٹ دے سامنے پیش کریسے اتے اے آئی ڈبلیو ٹی دی دفعات دے مطابق ہوسی۔ انہاں آکھیا جو سندھ طاس معاہدہ بدستور نافذ اے، پاکستان قانونی، سفارتی تے معاہدے تے مبنی میکانزم تے عمل نال آپݨے حقوق دا تحفظ جاری رکھیسی۔