کوئٹہ اچ چمن پھاٹک دے نیڑے بم دھماکے اچ 14 بندے شہید تھئین، ترجمان صوبائی حکومت شاہد رند

کوئٹہ۔ 24 مئی (اے پی پی) وزیرِ اعلیٰ بلوچستان دے معاون برائے سیاسی امور تے میڈیا افیئرز تے صوبائی حکومت دے ترجمان شاہد رند آکھیے جو کوئٹہ دے علاقے چمن پھاٹک دے نیڑے تھیوݨ آلے بم دھماکے اچ 14 افراد شہید تھین جنھاں اچ ایف سی دے 3 جوان وی شامل ہن۔ انھاں آکھیا جو ایں بزدلانہ تے امن دشمن کارروائی اچ متعدد افراد زخمی تھین جنھاں کوں فوری طور تے ہسپتال منتقل کر ݙتا ڳئے، زخمیاں اچ تریمتیں تے ٻال وی شامل ہن۔ شاہد رند دا آکھݨ ہئی جو دہشت گرداں نہتے شہریاں تے عوامی مقامات کوں نشانہ بݨایا جو انھاں دی بوکھلاہٹ دا واضح ثبوت اے، شہداء دی اے قربانی بالکل رائیگاں نہ ویسسی۔ انھاں آکھیا جو سکیورٹی فورسز واقعے دے فوراً بعد علاقے کوں گھیرے اچ ڳھن ڳھدے جڈانجو جائے وقوعہ توں شواہد کٹھے کرݨ تے معاملے دی باریک بینی نال تحقیقات دا عمل تیزی نال جاری اے۔