پاک چین دوستی وقت، عالمی تبدیلیاں تے علاقائی چیلنجز دے باوجود ٻئی مضبوط تھئی اے، پچھوں مڑ تے ݙیکھݨ دا سوال ای پیدا نہیں تھیندا، ہݨ صرف اڳوں تے اُتے دا پندھ اے، محمد اسحاق ڈار

ہانگژو۔ 24 مئی (اے پی پی) نائب وزیراعظم تے وزیرِ خارجہ محمد اسحاق ڈار آکھیے جو وزیرِ اعظم محمد شہباز شریف دی متحرک قیادت اچ حکومت معاشی بحالی، صنعتی توسیع تے پائیدار ترقی دے پرعزم ایجنڈے تے عمل پیرا اے، پاک چین دوستی وقت، عالمی تبدیلیاں تے علاقائی چیلنجز دے باوجود ٻئی مضبوط تھئی اے، پچھوں مڑ تے ݙیکھݨ دا سوال ای پیدا نہیں تھیندا، ہݨ صرف اڳوں تے اُتے دا پندھ اے۔پاکستان تے چین سفارتی تعلقات دی 75ویں سالڳنڈھ  منیندے پئن، فخر محسوس تھیندے جو اساݙی دوستی وقت، عالمی تبدیلیاں تے علاقائی چیلنجز دے باوجود ٻئی مضبوط تھئی اے۔ اتوار کوں پاکستان-چین بزنس ٹو بزنس سرمایہ کاری کانفرنس برائے آئی ٹی تے ٹیلی کام، بیٹری انرجی اسٹوریج سسٹمز تے زراعت دے افتتاحی اجلاس توں خطاب کریندیں ہوئیں محمد اسحاق ڈار آکھیا جو انھاں کوں خوبصورت شہر ہانگژو اچ کانفرنس دے انعقاد تے بے حد خوشی اے۔ انھاں چینی کہاوت دا حوالہ ݙیندے ہوئیں آکھیا جو ’’اوپر آسمان اے تے تلے سوژو تے ہانگژو ہن‘‘ تے اڄ واقعی محسوس تھیندے جو ہانگژو کوں زمین تے جنت کیوں آکھیا ویندے۔ اسحاق ڈار آکھیا جو او ایں بی ٹو بی کانفرنس دے انعقاد اچ معاونت تے وژن فراہم کرݨ تے وزیراعظم شہباز شریف دے تہہِ دل توں شکر گزار ہن۔ انھاں آکھیا جو کانفرنس اچ پاکستان تے چین دی 500 توں ودھ کمپنیاں شریک ہن اتے ایہے ادارے ݙوہیں ممالک دے درمیان معاشی شراکت داری دی اصل قوت ہن۔نائب وزیراعظم وزیرِ خارجہ آکھیا جو ہݨ تئیں چین تے پاکستان اچ مجموعی طور تے چار بی ٹو بی کانفرنسیں تھی چکیاں ہن جڈانجو اے شعبہِ جاتی کانفرنسوں دا پنڄواں ایڈیشن اے۔ انھاں کانفرنسوں دے نتیجے اچ 300 توں ودھ مفاہمتی یادداشتاں تے تقریباً ترائے درجن مشترکہ منصوبیاں تے دستخط تھی ڳئن، جنھاں دی مجموعی مالیت 13 ارب امریکی ڈالر توں ودھ اے۔ انھاں آکھیا جو اے صرف اعدادوشمار نئی بلکہ ݙوہیں ملکاں وچال اعتماد، یقین تے مشترکہ عزائم دا ثبوت ہن۔اسحاق ڈار چین اچ پاکستان دے سفیر خلیل ہاشمی دی خدمات کوں سراہیندیں ہوئیں آکھیا جو انھاں کوں حال اچ چینی وزیرِ خارجہ ولوں ’’آؤٹ اسٹینڈنگ ڈپلومیٹ میڈل‘‘ نال نوازا ڳیا جو پاکستان-چین تعلقات دے فروغ اچ انھاں دی خدمات دا اعتراف اے۔ نائب وزیراعظم آکھیا جو ڄݙاں پاکستان تے چین سفارتی تعلقات دی 75ویں سالڳنڈھ منیندے پئن تاں اے ݙیکھ تے فخر محسوس تھیندے جو ݙوہیں ملکاں دی دوستی وقت، عالمی تبدیلیاں تے علاقائی چیلنجز دے باوجود مزید مضبوط تھئی اے۔