ہانگژو۔ 24 مئی (اے پی پی) وزیرِ اعظم محمد شہباز شریف امریکی صدر ڈونلڈ ٹرمپ کوں قیامِ امن کیتے انھاں دی غیر معمولی کوششاں تے سعودی عرب، قطر، ترکیہ، مصر، متحدہ عرب امارات، اردن تے پاکستان دے رہنماواں نال تھیوݨ آلی انتہائی مفید تے نتیجہ خیز ٹیلیفونک ڳالھ مہاڑ تے مبارکباد ݙتی اے۔ اتوار کوں سماجی رابطے دی ویب سائٹ ایکس (ٹویٹر) تے ہک بیان اچ وزیرِ اعظم آکھیا جو …
وزیرِ اعظم شہباز شریف دی امریکی صدر ڈونلڈ ٹرمپ کوں قیامِ امن کیتے غیر معمولی کوششاں تے مبارکباد
مزید خبراں
ہانگژو۔ 24 مئی (اے پی پی) وزیرِ اعظم محمد شہباز شریف امریکی صدر ڈونلڈ ٹرمپ کوں قیامِ امن کیتے انھاں دی غیر معمولی کوششاں تے سعودی عرب، قطر، ترکیہ، مصر، متحدہ عرب امارات، اردن تے پاکستان دے رہنماواں نال تھیوݨ آلی انتہائی مفید تے نتیجہ خیز ٹیلیفونک ڳالھ مہاڑ تے مبارکباد ݙتی اے۔ اتوار کوں سماجی رابطے دی ویب سائٹ ایکس (ٹویٹر) تے ہک بیان اچ وزیرِ اعظم آکھیا جو او صدر ڈونلڈ ٹرمپ کوں امن دے قیام کیتے انھاں دی غیر معمولی کوششاں تے سعودی عرب، قطر، ترکیہ، مصر، متحدہ عرب امارات، اردن تے پاکستان دے رہنماؤں نال تھیوݨ آلی انتہائی مفید تے نتیجہ خیز ٹیلیفونک ڳالھ مہاڑ تے مبارکباد پیش کریندن، جنرل سید عاصم منیر ایں ٹیلیفونک ڳالھ مہاڑ اچ پاکستان دی نمائندگی کیتی تے پورے عمل دے دوران انھاں دی انتھک کوششاں کوں بے حد سراہیا۔وزیرِ اعظم آکھیا جو ٹیلیفون تے ڳالھ موجودہ علاقائی صورتحال تے خطے اچ دیرپا امن دے قیام کیتے جاری امن کوششاں کوں اڳوں ودھاوݨ دے حوالے نال ڳالھ مہاڑ دا مفید موقع فراہم کیتے۔ وزیرِ اعظم آکھیا جو پاکستان پوری سنجیدگی دے نال امن کوششاں جاری رکھیسی اتے اساں کوں امید اے جو مذاکرات دے اگلے دور دی میزبانی ٻہوں جلد کریسوں۔
