صدرِ مملکت آصف علی زرداری دا فتنہ الخوارج دے 11 دہشت گرداں کوں جہنم واصل کرݨ تے سیکیورٹی فورسز کوں خراجِ تحسین

اسلام آباد۔ 24 مئی (اے پی پی) صدرِ مملکت آصف علی زرداری شمالی وزیرستان دے علاقے اچ انٹیلی جنس بیسڈ آپریشن اچ بھارتی حمایت یافتہ فتنہ الخوارج دے 11 دہشت گرداں کوں جہنم واصل کرݨ تے سیکیورٹی فورسز کوں خراجِ تحسین پیش کیتے۔ اتوار کوں ایوانِ صدر دے پریس ونگ توں جاری تھیوݨ آلے بیان اچ صدرِ مملکت آکھیے جو بھارتی سرپرستی اچ سرگرم دہشت گرد عناصر دے خلاف کارروائیاں قومی سلامتی دے تحفظ کیتے ضروری ہن۔ صدرِ مملکت آکھیے جو ملک توں دہشت گردی دی بلا دے مکمل خاتمے تئیں ایندے خلاف جنگ جاری رہسی۔