پاکستان اتے چین وچال معاہدے اتے ایم او یوز ودھدے تعاون اتے ݙوطرفہ تعلقات دی وسعت دے عکاس ہین، وزیراعظم شہباز شریف

اسلام آباد۔ 25 مئی (اے پی پی):وزیراعظم محمد شہباز شریف پاکستان اتے چین دے معاہدیاں اتے ایم او یوز کوں ودھدے تعاون اتے ݙوطرفہ تعلقات دی وسعت دی عکاسی قرار ݙیندے آکھیے جو انھاں معاہدیاں اتے ایم او یوز نال مختلف شعبیاں اچ تعاون دے نویں مواقع پیدا تھیسن جیڑھے ݙوہاں ملکاں دے عوام دی فلاح و بہبود اتے خوشحالی اچ براہِ راست معاون ثابت تھیسن۔ وزیراعظم محمد شہباز شریف اتے عوامی جمہوریہ چین دے وزیراعظم لی چیانگ پاکستان اتے چین وچال کئی معاہدیاں، مفاہمتی یادداشتاں (ایم او یوز)، پروٹوکولز اتے تعاون بارے دستاویزات تے دستخط دی تقریب اچ شرکت کیتی۔ اے معاہدے، مفاہمتی یادداشتقاں اتے پروٹوکولز تجارت، سرمایہ کاری، زراعت، سائنس و ٹیکنالوجی، موسمیاتی تبدیلی، تعلیم، میڈیا اتے عوامی روابط دے شعبیاں اچ ݙوطرفہ تعاون کوں ٻیا ودھیسن۔ انھاں معاہدیاں اتے ایم او یوز اچ، تعلیمی تعاون اتے تبادلیاں دے ایگزیکٹو پروگرام، خشک میوہ جات کیتے معائنہ، قرنطینہ اتے حفظانِ صحت بارے پروٹوکول، مکئی کیتے نباتاتی صحت بارے پروٹوکول، زرعی شعبے اچ ترقیاتی تعاون دی فاہمتی یادداشت، جانوراں دی ویکسینز بارے لیٹر آف ایکسچینج، اقتصادی ترقی دے شعبے اچ تبادلیاں اتے تعاون ودھاوݨ دی مفاہمتی یادداشت، ماحولیات اتے موسمیاتی تبدیلی دے شعبیاں اچ تعاون دی مفاہمتی یادداشت، فارن سروس اکیڈمی اتے چائنا فارن افیئرز یونیورسٹی وچال مفاہمتی یادداشت، کمیونسٹ پارٹی آف چائنا دی سینٹرل کمیٹی دے پارٹی اسکول (چائنا نیشنل اکیڈمی آف گورننس) اتے پاکستان نیشنل اسکول آف پبلک پالیسی وچال مفاہمتی یادداشت، سال 2026 کیتے افرادی قوت دی ترقی دے تعاون پروگرام دے مشترکہ نفاذ بارے مفاہمتی یادداشت، مطابقتی جانچ بارے مفاہمتی یادداشت، پاکستان سائنس فاؤنڈیشن اتے چائنا ایسوسی ایشن آف سائنس اینڈ ٹیکنالوجی وچال مفاہمتی یادداشت، شنہوا نیوز ایجنسی اتے پاکستان براڈکاسٹنگ کارپوریشن دے درمیان مفاہمتی یادداشت، چائنا میڈیا گروپ اتے پاکستان ٹیلی وژن وچال مشترکہ ڈاکیومنٹری پروڈکشن اچ تعاون دی مفاہمتی یادداشت، آزاد تجارت تے کثیرالجہتی نظام دی حمایت توں متعلق مفاہمتی یادداشت سودھا ژجیانگ صوبے اتے صوبہ پنجاب وچال برادر صوبیاں دی حیثیت نال تعلقات دے قیام بارے معاہدہ شامل اے۔