اسلام آباد۔ 26 مئی (اے پی پی)وفاقی وزیر داخلہ محسن نقوی منیٰ اچ پاکستانی عازمین دے کیمپاں دا دورہ کیتا۔ انہاں انتظاماں اتے عازمینِ حج کوں ملݨ والیاں سہولتاں دا جائزہ گھدا۔ وزارتِ داخلہ دے مطابق اپݨے دورے اچ وفاقی وزیر مختلف کیمپاں دا معائنہ کیتا اتے حجاج کیتے ٻݨایاں ڳیاں خدمات کوں ݙٹھا۔ انہاں پاکستانی حجاج، خاص طور تے وݙی عمر دے شہریاں نال وی ملاقات کیتی تے انہاں …
وزیر داخلہ محسن نقوی دا منیٰ اچ پاکستانی حجاج دے کیمپاں دا دورہ
مزید خبراں
اسلام آباد۔ 26 مئی (اے پی پی)وفاقی وزیر داخلہ محسن نقوی منیٰ اچ پاکستانی عازمین دے کیمپاں دا دورہ کیتا۔ انہاں انتظاماں اتے عازمینِ حج کوں ملݨ والیاں سہولتاں دا جائزہ گھدا۔ وزارتِ داخلہ دے مطابق اپݨے دورے اچ وفاقی وزیر مختلف کیمپاں دا معائنہ کیتا اتے حجاج کیتے ٻݨایاں ڳیاں خدمات کوں ݙٹھا۔ انہاں پاکستانی حجاج، خاص طور تے وݙی عمر دے شہریاں نال وی ملاقات کیتی تے انہاں دی خیریت پچھی۔ محسن نقوی ہک 100 سال دے ٻڈھڑے حاجی نال خاص ڳالھ مہاڑ کیتی۔ انہاں بزرگ حاجی دی ہمت تے عزم کوں وی سراہیا۔ حجاج کرام اپݨے تاثرات وزیر داخلہ نال ونݙیے اتے ݙسایا جو ایں واری حڄ انتظامات ٻہوں بہترین ہین۔ وزیر داخلہ محسن نقوی حاجیاں توں کیمپاں اچ ملݨ والی رہائش اتے کھاوݨ پیوݨ دیاں سہولتاں بارے وی پچھیا۔ انہاں وفاقی وزیر سردار محمد یوسف دی اڳواݨی اچ وزارتِ مذہبی امور دی کوشِشاں دی تعریف کریندے ہوئیں حج آپریشنز دے انتظام اچ پوری ٹیم دی محنت دی تعریف کیتی۔ وزیر داخلہ سعودی حکومت دا شکریہ ادا کیتا جو انہاں اہم تعاون، خاص طور تے مکہ روٹ انیشی ایٹو دے تحت پاکستانی عازمین کوں پاکستان اچ ہی امیگریشن دیاں سہولتاں ݙتین۔
