چینی کمپنیاں کوں کاروبار دے فروغ اتے توسیِع کیتے پورا تعاون ݙیسوں، وزیراعظم شہباز شریف دا آئی بی آئی کارپوریشن دی تقریب نال خطاب

بیجنگ۔ 26 مئی (اے پی پی):وزیراعظم محمد شہباز شریف پاک-چین اقتصادی تے تکنیکی تعاون کوں ٻیا ودھاوݨ دے عزم دا اعادہ کریندے ہوئیں ݙو پاسہ تجارت تے سرمایہ کاری دے فروغ، ݙوہیں ملکاں دی کاروباری برادریاں وچال ادارہ جاتی روابط ودھاوݨ تے زور ݙتے۔ او بیجنگ اچ آئی بی آئی کارپوریشن دے ہیڈکوارٹرز دا دورہ کرݨ ویلھے تقریب نال خطاب کریندے پئے ہن۔ وزیراعظم پاکستان اتے چین وچال اقتصادی اتے تجارتی تعاون ٻیا ودھاوݨ، ݙو پاسہ تجارت اتے سرمایہ کاری دے فروغ، ݙوہیں ملکاں دی کاروباری برادریاں وچال ادارہ جاتی روابط کوں وسعت ݙیوݨ دا آکھیا جو اینڄھے تعلقات دا فروغ پاک-چین ہمہ موسمی اسٹریٹجک تعاون تے مبنی شراکت داری دا اہم ستون اے، پاکستان چینی کمپنیاں کوں اپݨے کاروبار ودھاوݨ کیتے پورا تعاون ݙیسی اتے ݙوہیں ملکاں وچال اقتصادی، تجارتی اتے تکنیکی روابط کوں ٻیا تگڑا ٻݨایا ویسی۔ انہاں اکھیا کہ سی پیک 2.0 دے تحت مصنوعی ذہانت (اے آئی) تے انفارمیشن ٹیکنالوجی پاکستان دے چار سب توں وݙے ترجیحی پروگراماں اچ شامل ہن، جنہاں کوں حکومت تکھے اڳوں ودھیندی پئی اے۔ انہان آکھیا جو حکومتِ پاکستان نوجواناں کوں فنی تربیت اتے مختلف شعبیاں اچ مہارتاں ݙیوݨ کیتے وݙے اقدامات کریندی پئی اے۔ وزیراعظم اکھیا جو سی پیک 2.0 دے تحت خصوصی اقتصادی زونز اچ سرمایہ کاری دے وݙے موقعے موجود ہن۔ انہاں چینی سرمایہ کاراں کوں کراچی اچ پورٹ قاسم دے نیڑے ٻݨیے پہلے خصوصی اقتصادی زون دا دورہ کرݨ دی دعوت ݙیندے اکھیا جو اے 6 ہزار ایکڑ توں ودھ رقبے تے کھنڈیا ہویا ہک ٻہوں امید والا منصوبہ اے، جتھاں جدید بنیادی ڈھانچہ اتے سہولتاں ݙتیاں ویسن۔ ایندے توں پہلے آئی بی آئی پڄݨ تے وزیراعظم دا استقبال فینگتائی ڈسٹرکٹ دے پارٹی سیکریٹری ‘وانگ شاؤفینگ’ تے آئی بی آئی دے صدر ‘چیان شیاو جون’ کیتا۔ چین پاکستان صنعتی تعاون دے فروغ اتے سرحد پار صنعتی راہداریاں نال تعلق رکھݨ والے ایں اجلاس اچ 150 توں ودھ کمپنیاں اتے انہاں دے نمائندیاں شرکت کیتی۔