یومِ تکبیر پاکستان دے ناقابلِ تسخیر دفاع دی علامت اے: صدرِ مملکت

اسلام آباد۔28 مئی (اے پی پی)صدرِ مملکت آصف علی زرداری آکھیے جو یومِ تکبیر پاکستان دے ناقابلِ تسخیر دفاع دی علامت اے۔ یومِ تکبیر دے موقع تے اپݨے خصوصی سنیہے اچ صدرِ مملکت آصف علی زرداری دا آکھݨ ہا جو 28 مئی 1998ء پاکستان کوں سٹریٹیجک خودمختاری ݙتی، پاکستان ایٹمی پروگرام قومی سلامتی دی لورھ سانڳے شروع کیتا ہا اتے قوم اپݨے سائنسداناں اتے مسلح افواج کوں خراجِ تحسین پیش کریندی اے۔ انھاں آکھیا جو عالمی دباؤ اتے پابندیاں دے باوجود پاکستان قومی مفاد دا تحفظ کیتے، پاکستان دی دفاعی حکمتِ عملی خطے اچ امن و استحکام دی ضامن اے، جدید جنگاں اچ سائبر وار فیئر، اے آئی (مصنوعی ذہانت) اتے ڈرونز اہم کردار ادا کریسن۔ صدرِ مملکت دا آکھݨ ہا جو پاکستان ہک ذمے دار اتے امن پسند ایٹمی ریاست اے اتے پاکستان کہیں دے خلاف جارحانہ عزائم نئیں رکھدا، کہیں وی جارحیت دا فوری اتے تکڑا ولدا ݙتا ویسی۔