پاکستان ایٹمی دھماکیاں نال دنیا تے اپݨی خودمختاری اتے دفاعی صلاحیت ثابت کیتی، سید یوسف رضا گیلانی

اسلام آباد۔28 مئی (اے پی پی)چیئرمین سینیٹ سید یوسف رضا گیلانی آکھیے جو 28 مئی قومی خودمختاری اتے دفاعی قوت دی روشن علامت اے، پاکستان ایٹمی دھماکیاں نال دنیا تے اپݨی خودمختاری اتے دفاعی صلاحیت ثابت کیتی اے۔ یومِ تکبیر تے سنیہے اچ سید یوسف رضا گیلانی قوم کوں مبارک ݙیندے آکھیا جو 28 مئی 1998 دے تاریخی ایٹمی دھماکے پاکستان دے عزم دا مظہر ہین جنہاں جنوبی ایشیا اچ تزویراتی توازن قائم کیتا، قومی سلامتی اتے استحکام دے معاملات تے ساریاں سیاسی قوتاں کوں متحد ہووݨا پوسی۔ چیئرمین سینیٹ دعا کیتی جو اللہ تعالیٰ پاکستان کوں ہمیشہ محفوظ، مستحکم اتے ترقی یافتہ رکھے۔