نیویارک۔ 28 مئی (اے پی پی)چین پاکستان دے امن کیتے تعمیری کردار کوں سراہندے ہوئیں اپݨی بھرپور حمایت دا اعادہ کیتے۔ وزارتِ خارجہ دے جاری بیان دے مطابق نائب وزیراعظم و وزیرِ خارجہ سینیٹر محمد اسحاق ڈار نیویارک اچ عوامی جمہوریہ چین دے وزیرِ خارجہ وانگ ای نال ملاقات کیتی جیندے اچ ݙوہیں رہنماواں حالیہ علاقائی پیش رفت اتے خطے سودھا ڄڳ اچ پائیدار امن و استحکام دے ودھارے کیتے …
نائب وزیراعظم و وزیر خارجہ سینیٹر محمد اسحاق ڈار دی چین دے وزیر خارجہ وانگ ای نال ملاقات
مزید خبراں
نیویارک۔ 28 مئی (اے پی پی)چین پاکستان دے امن کیتے تعمیری کردار کوں سراہندے ہوئیں اپݨی بھرپور حمایت دا اعادہ کیتے۔ وزارتِ خارجہ دے جاری بیان دے مطابق نائب وزیراعظم و وزیرِ خارجہ سینیٹر محمد اسحاق ڈار نیویارک اچ عوامی جمہوریہ چین دے وزیرِ خارجہ وانگ ای نال ملاقات کیتی جیندے اچ ݙوہیں رہنماواں حالیہ علاقائی پیش رفت اتے خطے سودھا ڄڳ اچ پائیدار امن و استحکام دے ودھارے کیتے پاکستان ولوں مذاکرات اتے سفارت کاری اڳو تے ودھاوݨ دیاں کوششاں تے ڳالھ مہاڑ کیتی۔ وزیرِ خارجہ وانگ ای پاکستان دے تعمیری کردار کوں سراہندے ہوئیں اپݨی حمایت دا اعادہ کیتا۔ ݙوہیں رہنماواں وزیراعظم شہباز شریف اتے انھاں دے وفد دے حالیہ کامیاب دورہءِ چین اتے پاکستان اتے چین وچال سفارتی تعلقات دے 75 سال پورے ہووݨ دا وی ذکر کیتا اتے ݙوہیں ممالک وچال دیرینہ دوستی اتے سٹریٹجک تعاون کوں اڳونہا کیتے۔ نائب وزیراعظم و وزیرِ خارجہ سینیٹر محمد اسحاق ڈار چینی وزیرِ خارجہ وانگ ای دی دعوت تے اقوامِ متحدہ دی سلامتی کونسل دے بین الاقوامی امن و سلامتی دا تحفظ، اقوامِ متحدہ دے منشور دے مقاصد اتے اصولاں دی پاسداری اتے اقوامِ متحدہ تے مبنی بین الاقوامی نظام کوں مضبوط بݨاوݨ دے موضوع تے کھلے مباحثے اچ شرکت کیتے نیویارک دے دورے تے ڳئے ہن۔ اے مباحثہ 26 مئی کوں سلامتی کونسل دی چینی صدارت دے تحت تھیا ہا۔
