پٹرول اتے ڈیزل دا ملھ 22 روپے ڳھٹاوݨ دا فیصلہ، وعدہ کیتا ہا جو گنجائش نکلی تاں ملھ ڳھٹیسوں، وزیرِ اعظم شہباز شریف

لاہور۔ 29 مئی (اے پی پی)وفاقی حکومت پٹرول اتے ڈیزل دی قیمتاں اچ 22 روپے کمی دا فیصلہ کیتے ڄݙاں جو وزیرِ اعظم محمد شہباز شریف آکھیے جو عوام کوں ریلیف ݙیوݨ اُنھاں دی اولین ترجیح اے۔ وزیرِ اعظم آفس دے میڈیا ونگ موجب وزیرِ اعظم محمد شہباز شریف عید دے تریڄھے ݙینھ عوام کیتے وݙے ریلیف دا اعلان کیتے اتے پٹرول اتے ڈیزل دی قیمت اچ 22 روپے کمی دا فیصلہ کیتا ڳئے۔ بیان دے مطابق وزیرِ اعظم قوم نال وعدہ کیتا ہا جو گنجائشن نکلدے ہی عوام کوں ریلیف ݙتا ویسی۔ ایں وعدے تے بالکل عمل کیتا ڳئے۔ وزیرِ اعظم آکھیے جو عوام کوں ریلیف ݙیوݨ ترجیح اے، پچھلے ہفتے وی عوام کوں ریلیف ݙتا گیا ہا اتے پٹرول اتے ڈیزل دی قیمتیں اچ کمی کیتی گئی ہئی۔ وفاقی حکومت سخت ترین حالات اچ وی عوام کیتے ریلیف دا سلسلہ جاری رکھیا اتے پبلک/گڈز ٹرانسپورٹ اتے موٹر سائیکل رکشہ استعمال کرݨ والیاں کیتے فیول تے سبسڈی ݙتی۔ خطے دے ٻئے ملکاں اچ ڄڈاں پٹرول گھنݨ کیتے قطاراں لگیاں ہوئن، پاکستان اچ وزیرِ اعظم دے ویلھے سر اقدامات پاروں عوام کوں پٹرول اتے ڈیزل ملدا پیا ہا۔ ڄڈاں دنیا اچ تیل دا بدترین بحران ہا، ایں دوران عالمی منڈی اچ تیل دیاں قیمتاں اچ ودھارے دے باوجود وزیرِ اعظم ولوں 130 روپے توں ودھ دی سبسڈی ݙے تے تیل دیاں قیمتاں اچ اضافے کوں روکیا گیا اتے سبسڈی دی مد اچ وی عوام کوں ریلیف ݙتا ڳئے۔