پاکستان اقوامِ متحدہ دے امن دستیاں دی جرات، لگن اتے قربانیاں کوں خراجِ تحسین پیش کریندے: سینیٹر اسحاق ڈار

اسلام آباد۔ 29 مئی (اے پی پی)نائب وزیرِ اعظم تے وزیرِ خارجہ سینیٹر محمد اسحاق ڈار آکھیے جو پاکستان عالمی برادری دے نال مل تے بین الاقوامی امن و سلامتی دے قیام کیتے خدمات انجام ݙیوݨ والے اقوامِ متحدہ دے امن دستیاں دی جرات، لگن اتے قربانیاں کوں خراجِ تحسین پیش کریندے۔ اقوامِ متحدہ دے امن دستیاں دے عالمی ڈینھ تے وزارتِ خارجہ دے مطابق نائب وزیرِ اعظم تے وزیرِ خارجہ سینیٹر محمد اسحاق ڈار آکھیا جو اساں اُنھاں 183 پاکستانی امن اہلکاراں کوں وی سلام پیش کریندے ہیں جنھاں اقوامِ متحدہ دے پرچم تلے فرائض دی ادائیگی دے دوران اپݨیاں جاناں وارین، پچھلے چھی ݙھاکیاں توں ودھ عرصے توں اقوامِ متحدہ دے امن مشنز کیتے فوجی دستے ݙیوݨ آلے ملکاں اچ اے، ہݨ تئیں 2 لکھ 70 ہزار توں ودھ پاکستانی امن اہلکار ڄڳ اچ اقوامِ متحدہ دے 48 مشنز اچ شاندار خدمات انجام ݙے چکن۔ اُنھاں دی پیشہ ورانہ صلاحیت، نظم و ضبط اتے عزم، کثیرالجہتی نظام اتے اقوامِ متحدہ دے منشور دے مقاصد و اصولاں اتے پاکستان دے غیر متزلزل یقین دی عکاسی کریندے۔ اقوامِ متحدہ دے امن مشنز اچ اپݨے وسیع تجربے کوں ٻںھاں تئیں پچاوݨ کیتے پاکستان “سینٹر فار انٹرنیشنل پیس اینڈ اسٹیبلٹی” قائم کیتے۔ پاکستان اقوامِ متحدہ دے قدیم ترین امن مشنز اچوں ہک “اقوامِ متحدہ دے فوجی مبصر گروپ برائے بھارت و پاکستان” دی میزبانی وی کریندا پئے۔ ایں سال اے ڈینھ ہک اینڄھے ویلھے منایا ویندا پئے ڄݙاں اقوامِ متحدہ دے امن مشنز کوں غیر معمولی چیلنجز درپیش ہن۔ اے مشنز ٻہوں پیچیدہ سیاسی اتے سکیورٹی ماحول اچ کم کریندے پئہن ڄݙاں جو اُنھاں کوں شدید مالی اتے عملی مشکلات دا وی سامݨا اے۔ اُنھاں چیلنجز نال نمٹݨ کیتے نویں سیاسی حمایت، مناسب اتے قابلِ بھروسہ وسائل اتے زمینی حقائق نال ہم آہنگ عملی مینڈیٹس ٻہوں ضروری ہن تاں جو اُنھاں دا محفوظ اتے مؤثر نفاذ ممکن ٻݨایا ونڄ سڳے۔ اقوامِ متحدہ دی سلامتی کونسل دے موجودہ رکن دی حیثیت نال پاکستان اپݨے شراکت داراں نال مل کے امن مشنز کوں مضبوط ٻݨاوݨ کیتے کم جاری رکھیسی جیندے اچ مینڈیٹس دی بہتر تشکیل، امن محافظاں دی سلامتی و تحفظ، احتساب دا فروغ اتے پائیدار مالی وسائل دی فراہمی شامل اے، ایں ݙینھ پاکستان اقوامِ متحدہ دے امن مشنز کیتے اپݨے غیر متزلزل عزم دا اعادہ کریندے جیہڑے بین الاقوامی امن و سلامتی دے قیام کیتے سب توں مؤثر، نمایاں اتے عملی ذرائع وچوں ہک ہن۔ اساں دنیا بھر اچ خدمات انجام ݙیوݨ والے سارے امن اہلکاراں نال یکجہتی کریندے ہئیں اتے قیامِ امن دے مقصد کیتے اپنی خدمات جاری رکھݨ کیتے پُرعزم ہیں۔