مکہ مکرمہ: 29مئی(اے پی پی)منیٰ اچ ایامِ حج دے پنڄویں ݙینھ وی حجاج کرام تریے جمراں دی رمی کریندے پئن۔ حج دے اہم مناسک دی ادائیگی دے دوران لکھاں عازمین عبادات اچ ردھے ہوئن۔ انتظامیہ ولوں رہنمائی اتے سہولیات دے خصوصی انتظامات کیتے گئن۔ ترجمان وزارتِ مذہبی امور دے مطابق اکثر حجاج کرام 12 ذی الحجہ دی رمی مکمل کرݨ دے بعد منیٰ توں روانہ تھی ویسن، کڄھ حجاج کل …
ایام حج دا پنڄواں ݙینھ؛ حجاج کرام تریے جمراں دی رمی کریندے پئن
مزید خبراں
مکہ مکرمہ: 29مئی(اے پی پی)منیٰ اچ ایامِ حج دے پنڄویں ݙینھ وی حجاج کرام تریے جمراں دی رمی کریندے پئن۔ حج دے اہم مناسک دی ادائیگی دے دوران لکھاں عازمین عبادات اچ ردھے ہوئن۔ انتظامیہ ولوں رہنمائی اتے سہولیات دے خصوصی انتظامات کیتے گئن۔ ترجمان وزارتِ مذہبی امور دے مطابق اکثر حجاج کرام 12 ذی الحجہ دی رمی مکمل کرݨ دے بعد منیٰ توں روانہ تھی ویسن، کڄھ حجاج کل 13 ذی الحجہ دی اختیاری رمی ادا کرݨ دے بعد مکہ مکرمہ ویسن۔ حجاج کرام کوں اُنھاں دی رہائش گاہواں تئیں محفوظ واپسی کیتے ناظمین دی نگرانی اچ روانہ کیتا ویندا پئے تاں جو رش اتے گمشدگی جھئیں مسائل توں بچیا ونڄ سڳے۔ حج دے تریڄھے فرض طوافِ زیارت دی ادائیگی دا اڄ آخری ݙینھ اے، جیندے پاروں مسجد الحرام اچ عازمین دی وݙی تعداد موجود اے۔ سعودی وزارتِ حج و عمرہ دے خدام الحجاج کوں منیٰ دے داخلی و خارجی راستیاں تے تعینات کیتا گئے تاں جو حجاج دی رہنمائی اتے مدد یقینی ٻݨائی ونڄ سڳے، بزرگ اتے کمزور حجاج دی سہولت کیتے وہیل چیئر ٹیماں وی خدمات انجام ݙینداں پئن۔
