واشنگٹن۔30 مئی(اے پی پی)نائب وزیراعظم تے وزیر خارجہ اسحاق ڈار واضح کیتے جو ابراہیمی معاہدے دے بارے ٻہوں افواہیں کھنݙایاں ڳئن ٻھل پاکستان فلسطین دے معاملے تے اپݨے اصولی مؤقف تے کھڑے اتے فلسطین کوں منیے ونڄݨ تئیں ابراہیمی معاہدے تے کوئی لچک نا ݙکھائی ویسی۔ واشنگٹن وچ صحافیاں نال الیندے انہاں آکے ڄے تئیں 1967 توں پہلے دیاں سرحداں دے مطابق اتے القدس الشریف کوں دارالحکومت ٻݨا تے فلسطینی …
فلسطین کوں منیے بغیر ابراہیمی معاہدے تے کوئی لچک نا ݙکھیسوں، اسحاق ڈار
مزید خبراں
واشنگٹن۔30 مئی(اے پی پی)نائب وزیراعظم تے وزیر خارجہ اسحاق ڈار واضح کیتے جو ابراہیمی معاہدے دے بارے ٻہوں افواہیں کھنݙایاں ڳئن ٻھل پاکستان فلسطین دے معاملے تے اپݨے اصولی مؤقف تے کھڑے اتے فلسطین کوں منیے ونڄݨ تئیں ابراہیمی معاہدے تے کوئی لچک نا ݙکھائی ویسی۔ واشنگٹن وچ صحافیاں نال الیندے انہاں آکے ڄے تئیں 1967 توں پہلے دیاں سرحداں دے مطابق اتے القدس الشریف کوں دارالحکومت ٻݨا تے فلسطینی ریاست کوں نئیں منیا ویندا او تئیں، پاکستان اپݨے موقف اچ کؤعی ݙھیل نا ݙکھیسی، پاکستان امن دا معمار اے اتے عالمی سطح تے ایران امریکا مذاکرات اچ ہک چنڳاں کردار ادا کریندا پئے، پاکستان امریکا اتے ایران کوں کئی ݙھاکیاں بعد مذاکرات دی میز تے کٹھے ٻلھاوݨ کیتے کردار ادا کیتے۔ انہاں آکھیا جو وزیراعظم اتے فیلڈ مارشل دی قیادت اچ پاکستان کوں عالمی سطح تے ہک نویں سنڄاݨ ملی اے اتے بھارت دیاں پاکستان کوں کلہا کرݨ دیاں کوششاں ناکام تھی چُکین۔ انہاں ݙسایا جو امریکی وزیر خارجہ مارکو روبیو نال ملاقات ہک خوشگوار ماحول اچ تھئی، جیندے اچ پاکستانی سفیر اتے دفتر خارجہ دے ٻئے افسران وی موجود ہن۔ اسحاق ڈار آکھیا جو کشمیری عوام کوں اقوام متحدہ دیاں قرار داداں دے مطابق حقِ خودارادیت ملݨا چاہیدے اتے پاکستان کشمیر اتے فلسطین دے ݙوہائیں مسئلیاں تے اپݨے مؤقف تے کھڑے۔
