اسلام آباد۔ 30 مئی(اے پی پی)حاجیاں دی وطن واپسی کیتے سعودی عرب توں پروازاں دا آغاز کل آݙت توں تھیسی۔ حج آپریشن دے پہلے ݙیہاڑے 22 پروازاں تے 5 ہزار 238 حاجی وطن واپس پڄسن، پہلی حج پرواز جدہ توں 391 حاجیاں کوں گھن تے یکم جون دی سویل سیالکوٹ پڄسی۔ یکم جون کوں پنڄ پروازاں اسلام آباد، چار کراچی اتے چار ہی لاہور پڄسن۔ ملتان اتے سیالکوٹ اچ ترائے، …
حاجیاں دی وطن واپسی؛ سعودی عرب توں پروازاں آݙت توں شروع تھیسن
مزید خبراں
اسلام آباد۔ 30 مئی(اے پی پی)حاجیاں دی وطن واپسی کیتے سعودی عرب توں پروازاں دا آغاز کل آݙت توں تھیسی۔ حج آپریشن دے پہلے ݙیہاڑے 22 پروازاں تے 5 ہزار 238 حاجی وطن واپس پڄسن، پہلی حج پرواز جدہ توں 391 حاجیاں کوں گھن تے یکم جون دی سویل سیالکوٹ پڄسی۔ یکم جون کوں پنڄ پروازاں اسلام آباد، چار کراچی اتے چار ہی لاہور پڄسن۔ ملتان اتے سیالکوٹ اچ ترائے، ترائے پروازاں لہسن۔ فیصل آباد اچ ݙو اتے کوئٹہ اچ ہک حج پرواز آسی۔ حج توں بعد دے فضائی آپریشن دے دوران سرکاری سکیم دے تحت فریضہ حج ادا کرݨ والے ہک لکھ 19 ہزار پاکستانی حجاج کرام کوں کٹھے 681 پروازاں تے وطن واپس گھن آیا ویسی، ایں آپریشن اچ پاکستان دیاں سرکاری، نجی اتے سعودی ایئر لائنز حصہ گھنسن۔ شیڈول دے مطابق حجاج کرام دی واپسی دا اے مرحلہ 30 جون تئیں جاری رہسی۔
