تمباکو نوشی ݙاݙھی خطرناک، پنجاب دے تعلیمی اداریاں اچ تمباکو نوشی تے پابندی دے سخت اقدامات کیتے ویندے پئن: وزیر اعلیٰ پنجاب

لاہور۔31 مئی(اے پی پی)وزیر اعلیٰ پنجاب مریم نواز شریف عالمی یومِ انسدادِ تمباکو تے اپݨے سیہنے اچ تمباکو کوں وبا توں وی وݙا خطرہ قرار ݙیندے آکھیے جو تمباکو نوشی صرف ہک عادت کینی ٻھل اپݨی ہی صحت، معیشت اتے معاشرت تے خود کش حملے آلی ڳالھ اے۔ انہاں آکھیے جو نوجوان نسل کوں تمباکو نوشی توں محفوظ رکھݨ کیتے سارے اقدامات تھیوݨے چاہیدن، ایں سانڳے پنجاب اچ سکولاں، کالجاں اتے تعلیمی اداریاں اچ تمباکو نوشی تے پابندی دے سخت اقدامات کیتے ویندے پئن، سرکاری دفاتر، پبلک ٹرانسپورٹ اتے ٻین عوامی مقامات تے سگریٹ نوشی جرم اے، ایں سانڳے پابندی تے عملدرآمد یقینی ٻݨیسوں۔ وزیراعلیٰ مریم نواز عوام توں اپیل کیتی اے جو تمباکو نوشی چھوڑ تے صحت مند طرز زندگی اپناون۔