معرکہ حق اچ پاکستان دے ہتھوں بھارت دی ذلت آمیز پسپائی دا عالمی سطح تے اعتراف، سربین صدر دی وی تصدیق

اسلام آباد۔ 31 مئی (اے پی پی)معرکہ حق اچ پاکستان دے ہتھوں بھارت دی ذلت آمیز پسپائی دا عالمی سطح تے واضح اعتراف کیتا ڳئے، آپریشن سندور اچ نام نہاد دفاعی برتری اتے گمراہ کن کوڑ دا بھارتی پول کھل ڳیا، وسطی یورپ دے ملک سربیا دے صدر وی بھارتی S-400 دفاعی نظام دی تباہی دے پاکستانی مؤقف دی تصدیق کر ݙتی۔ سربیا دے صدر اپݨے ہک حالیہ انٹرویو اچ بطور غیر جانبدار تجزیہ کار زمینی شواہد اتے دستیاب ڈیٹا دی بنیاد تے حقائق بیان کیتن۔ صدر الیگزینڈر ووچیچ آکھیے جو پاکستان اتے بھارت دی جنگ اچ چینی ہتھیاراں غیرمعمولی کارکردگی ݙکھائی اے اتے بھارتی S-400 دفاعی نظام دے ریڈار کوں کامیابی نال نشانہ ٻݨایا۔ الیگزینڈر ووچیچ آکھیے جو چینی سیٹلائٹس دے ذریعے اے ݙٹھا ونج سڳدا ہئی جو فرانسیسی ریڈار کتھاں تباہ تھیا اتے S-400 دے ریڈار نظام کوں کتھاں نشانہ بݨایا ڳیا۔ انہاں آکھیے جو بھارتی تردید دے باوجود دستیاب رپورٹاں S-400 ریڈار سسٹم دے متاثر ہووݨ دی نشاندہی کریندن۔ ماہرین دے مطابق غیر جانبدار ممالک ولوں S-400 دی تباہی واضح ثبوت اے جو دنیا بھارتی کوڑ اتے پروپیگنڈہ کوں مسترد کر چکی اے۔ سربیا دے صدر دے انٹرویو دے نکات ایں تاثر کوں تکڑا کریندن جو بھارتی میڈیا زمینی حقائق دے برعکس غیر مصدقہ اتے مبالغہ آمیز بیاناں تے انحصار کریندے۔ انہاں آکھیے جو بھارت غیر مصدقہ دعویاں نال حقیقت زیادہ دیر تئیں نئیں لکا سڳدا، آخرکار شواہد آپ سچائی واضح کر ݙتی اے۔