انڈر 18ایشیا کپ، ملائیشیا پاکستان کوں2۔3 توں ہرا ݙتے

لاہور۔ 31 مئی (اے پی پی): انڈر 18 ایشیا کپ جاپان اچ ملائیشیا پاکستان کوں سنسنی خیز مقابلے دے بعد 2۔3 توں ہرا ݙتے۔ پی ایچ ایف دے ترجمان دے مطابق ایشین ہاکی فیڈریشن ولوں انڈر 18 ایشیا کپ 6 جون تئیں جاپان دے شہر کاکامیگاہارا اچ کھیڈیا ویسی۔ ایونٹ اچ پاکستان اتے ملائیشیا دے میچ اچ ملائیشیا پاکستان کوں ݙو دے مقابلے اچ ترائے گول توں ہرائے۔ پاکستان ولوں پہلا گول مزمل نے، ݙوجھا گول آخری منٹ اچ محمد فرحان کیتے۔ ملائیشیا ولوں دھیریش لگاتار ݙو ڄݙاں جو اسراف ہک گول سکور کر تے ملائیشیا کوں کامیابی ݙیوائی۔ پاکستان اپݨا تریجھا تے چھیکڑی گروپ میچ 3 جون کوں بنگلہ دیش نال کھیݙسی۔ پہلے میچ اچ پاکستان چین کو ترائے صفر توں ہرایا ہا۔