پاکستان دا ون ڈے کرکٹ اچ 1000 میچز کھیݙݨ دا کارنامہ، دنیا دی تریجھی ٹیم بݨ ڳئی

لاہور۔ 31 مئی(اے پی پی) پاکستان کرکٹ ٹیم راولپنڈی اچ آسٹریلیا نال سیریز دے پہلا میچ کھیݙ تے ون ڈے کرکٹ اچ 1000 میچز کھیݙݨ دا سنگ میل پار کر تے کارنامہ انجام ݙتے اتے ہزار میچز کھیݙݨ آلی تریڄھی ٹیم ٻݨ ڳئی اے۔ آسٹریلیا دے خلاف یادگار میچ تے آسٹریلوی کپتان جوش انگلس پاکستانی کپتان کوں سوئینر پیش کیتے۔ رپورٹ دے مطابق، پاکستان توں پہلے بھارت اتے آسٹریلیا دیاں ٹیماں وی ون ڈے کرکٹ اچ ہک ہک ہزار میچز کھیݙ چکین۔ راولپنڈی دے پنڈی کرکٹ اسٹیڈیم اچ کھیڈیا ونجݨ والا پاکستان آسٹریلیا دا سیریز دا پہلا ون ڈے پاکستان دا ہک ہزارواں ون ڈے میچ ہئی۔ پاکستانی ٹیم دی قیادت شاہین آفریدی کریندے پئے ہن۔ قومی ٹیم ہک ہزار میچاں اچ 527 میچ جیتئن، 442 ہارین اتے 9 میچ برابر رہین ڄݙاں جو 19 میچ دا نتیجہ نئیں نکل سڳیا۔ قومی ٹیم دا ون ڈے اچ وݙا سکور 399 اے اتے سب توں ڳھٹ سکور 43 رنز اے۔