وفاقی وزیر پارلیمانی ڈاکٹر طارق فضل چوہدری دا حجاج کرام دا استقبال

اسلام آباد۔ 1 جون (اے پی پی) وفاقی وزیر پارلیمانی امور ڈاکٹر طارق فضل چوہدری اسلام آباد انٹرنیشنل ایئرپورٹ تے حج پرواز دے ذریعے وطن واپس آوݨ آلے حجاج کرام دا استقبال کیتا۔ سعودی ایئرلائن دی پرواز ایس وی 5724 دے ذریعے 370 حجاج دے اسلام آباد پڄݨ تے وفاقی وزیر پارلیمانی امور ڈاکٹر طارق فضل چوہدری انہاں کوں خوش آمدید آکھیا۔ وفاقی وزیر حجاج کرام کوں حج دی سعادت حاصل کرݨ تے مبارخ ݙتی تے آکھیا جو ایں واری ہک لکھ 80 ہزار پاکستانیاں کوں حج دی سعادت نصیب تھئی اے، جنہاں وچوں ہک لکھ 20 ہزار حجاج کرام سرکاری حج سکیم دے تحت ڳئے۔ حجاج کرام حج 2026 دے انتظامات تے اطمینان دا اظہار کیتے۔ وفاقی وزیر آکھیا جو وزیراعظم شہباز شریف دی ہدایت تے وزارتِ مذہبی امور حجاج کوں ہر ممکن سہولتاں ݙتیاں۔ انہاں وزیر مذہبی امور سردار یوسف تے انہاں دی ٹیم کوں حج دے بہترین انتظامات تے مبارخ پیش کیتی