آندے چووی گھنٹے لاہور سودھے پنجاب اچ وکھو وکھ جہیں تے کھمݨ گاجاں نال مینھ وسݨ دا امکان

لاہور۔ 1 جون (اے پی پی) پنجاب دے ٻہوں سارے ضلعیں اچ آندے چووی گھنٹے دے دوران موسم گرم تے رُکھا رہسی، رات ویلھے مری، گلیات، سرگودھا، اٹک، لاہور، راولپنڈی، سیالکوٹ، گوجرانوالہ، نارووال، فیصل آباد وچ کجھ جہیں تے مطلع جزوی طور تے ابر آلود، اندھاری گھلݨ نال مینھ وسݨ دا امکان اے ۔ ترجمان محکمہ موسمیات موجب ݙوپہر کوں بہاولپور، بہاولنگر، خانپور، رحیم یارخان، دیرہ غازی خان تے راجن پور وچ مینھ/اندھاری/کھمݨ گاجاں تے کجھ جہیں تے ڳڑھا پووݨ دا امکان اے۔محکمہ موسمیات موجب گزریل چووی گھنٹے دے دوران پنجاب دے ٻہوں سارے ضلعیں اچ موسم گرم تے رُکھا رہیا جݙاں جو رات ویلھے اُتلے علاقیں وچ کجھ جہیں تے اندھاری تے کھمݨ گاجاں مال موسم جزوی طور تے جھُڑ آلا رہیا۔ جنوبی ضلعیں اچ موسم جھڑ آلا رہیا تریجھے پہر ویلھے بہاولپور، خانپور، رحیم یار خان، دیرہ غازی خان، تونسہ تے راجن پور وچ کجھ جہیں تے اندھاری تے کھمݨ گاجاں نال مینھ وسݨ وُٹھا۔ گزریل ݙینھ لاہور شہر دا گھٹ توں گھٹ درجہ حرارت 28 تے ودھ توں ودھ 37 ڈگری سینٹی گریڈ رہیا جݙاں جو ہوا وچ نمی دی شرح 38 فیصد ریکارڈ کیتی ڳئی