اسلام آباد۔ 2 جون (اے پی پی) وفاقی وزیرِ صحت مصطفیٰ کمال دی زیرِ صدارت پاکستان میڈیکل اینڈ ڈینٹل کونسل (پی ایم ڈی سی) دا اہم اجلاس منعقد تھیا، جیندے اچ انڈونیشیا اچ پاکستان دے سفیر زاہد چوہدری ویڈیو لنک دے ذریعے شرکت کیتی۔ اجلاس اچ پی ایم ڈی سی دے صدر ڈاکٹر رضوان تاج تے رجسٹرار سودھے ٻئے متعلقہ حکام وی شریک تھئے۔ اجلاس اچ انڈونیشیا دے میڈیکل طلبہ …
وفاقی وزیرِ صحت مصطفیٰ کمال دی زیرِ صدارت پاکستان میڈیکل اینڈ ڈینٹل کونسل دا اہم اجلاس
مزید خبراں
اسلام آباد۔ 2 جون (اے پی پی) وفاقی وزیرِ صحت مصطفیٰ کمال دی زیرِ صدارت پاکستان میڈیکل اینڈ ڈینٹل کونسل (پی ایم ڈی سی) دا اہم اجلاس منعقد تھیا، جیندے اچ انڈونیشیا اچ پاکستان دے سفیر زاہد چوہدری ویڈیو لنک دے ذریعے شرکت کیتی۔ اجلاس اچ پی ایم ڈی سی دے صدر ڈاکٹر رضوان تاج تے رجسٹرار سودھے ٻئے متعلقہ حکام وی شریک تھئے۔ اجلاس اچ انڈونیشیا دے میڈیکل طلبہ کوں پاکستان دے طبی تعلیمی اداریں اچ داخلے ݙیوݨ متعلق امور دا تفصیلی جائزہ ڳھدا ڳیا۔ اجلاس کوں ݙسایا ڳیا جو انڈونیشیا دی حکومت درخواست کیتی اے جو ایندے انڈرگریجویٹ تے پوسٹ گریجویٹ میڈیکل طلبہ کوں پاکستان دے معیاری میڈیکل تے ڈینٹل کالجاں اچ تعلیم دے موقع ݙتے ونڃن۔وفاقی وزیرِ صحت مصطفیٰ کمال آکھیا جو اِنھاں طلبہ دے تعلیمی تے رہائشی خرچےانڈونیشیا دی حکومت برداشت کریسی جݙاں جو انھاں کوں پاکستان دے بہترین طبی تعلیمی اداریں اچ مکمل شفافیت تے میرٹ دی بنیاد تے داخلے ݙتے ویسن۔ انہاں آکھیا جو ایں اقدام دے تحت تقریباً 200 انڈونیشین میڈیکل تے ڈینٹل طلبہ کوں عالمی معیار دی تعلیمی تے تربیتی سہولتاں ݙتیاں ویسن جیندے نال ݙوہیں ملکاں وچال طبی تعلیم دے شعبے اچ تعاون کوں مزید ودھارا حاصل تھیسی۔ وزیرِ صحت آکھیا جو اے امر خوش آئند اے جو انڈونیشیا دی حکومت اپݨے طلبہ دی طبی تعلیم کیتے پاکستان دے اداریں تے اعتماد دا اظہار کریندے انھاں کوں ترجیح ݙتی اے۔ انھاں دا آکھݨ ہئی جو ایں پیشرفت نال نہ صرف پاکستان تے انڈونیشیا دے ݙوطرفہ تعلقات مزید مضبوط تھیسن بلکہ عالمی سطح تے پاکستان دے طبی تعلیمی نظام تے وقار کوں وی تقویت ملسی۔ مصطفیٰ کمال آکھیا جو پاکستانی ڈاکٹرز دنیا اچ اپݨی پیشہ ورانہ صلاحیتاں تے خدمات دے ذریعے ملک دا ناں روشن کریندے پئن تے اے اقدام پاکستان دے طبی شعبے تے بین الاقوامی اعتماد دا مظہر اے۔
