معیشت دی پائیدار ترقی کیتے صنعت وحرفت دا ودھارا تے ٻاہرلی سرمایہ کاری اچ ودھارا ناگزیر اے، وزیراعظم

اسلام آباد۔ 2 جون (اے پی پی) وزیراعظم محمد شہباز شریف آکھیے جو معیشت کیتے پائیدار ترقی دے سانڳے صنعت وحرفت دا ودھارا تے ٻاہرلی سرمایہ کاری اچ ودھارا ناگزیر اے، صنعتی مصنوعات دی ملکی پیداوار اچ ودھارے دے نال نال برآمدات ودھاوݨ کیتے مؤثر پالیسی اقدامات حکومت دی پالیسی ترجیحات دا حصہ اے۔ ۔وزیراعظم دفتردے میڈیا ونگ توں جاری بیان موجب وزیراعظم محمد شہباز شریف دی زیرِ صدارت سرمایہ کاری اچ ودھارا تے معیشت دی مجموعی ترقی کیتے شعبہ جاتی اصلاحات تے پالیسی اقدامات تے جائزہ اجلاس تھیا۔ اجلاس اچ متعلقہ وزارتاں دی طرفوں مختلف زیرِ غور پالیسی تجویزاں تے بریفنگ ݙتی ڳئی۔ وزیراعظم آکھیا جو ملکی معیشت دی پائیدار ترقی کیتے صنعت وحرفت دا ودھاراتے ٻاہرلی سرمایہ کاری اچ ودھارا ناگزیر اے، صنعتی مصنوعات دی، ملکی پیداوار اچ ودھارے نال نال، برآمدات ودھاوݨ کیتے مؤثر پالیسی اقدامات حکومت دی پالیسی ترجیحات دا حصہ اے۔وزیراعظم آکھیا جو صنعت و تجارت تے معیشت دے مختلف شعبہ جات اچ اصلاحات طویل المدتی معاشی افادیت تے عوامی فلاح تے مرکوز ہووݨا چاہیدے، مستقبل دی توانائی دی ضرورتاں کوں متبادل توانائی دے ذرائع توں پورا کرݨ کیتے جامع حکمتِ عملی تے بھرپور انداز اچ کم تھیندا پئے۔ وزیراعظم آکھیا جو توانائی دی بچت تے سستی ٹرانسپورٹ دی ملکی ضرورتاں پوریاں کرݨ کیتے جامع تے مؤثر الیکٹرک وہیکلز پالیسی ویلھے دی اہم لوڑھ اے، جدید ٹیکنالوجی دی مختلف شعبیں اچ شمولیت کیتے ساریاں وزارتاں تے ماہرین دی بامعنی مشاورت کوں یقینی بݨاون، مؤثر ترقیاتی پالیسیاں دی تشکیل و نفاذ کیتے ساریاں وزارتاں سانجھے تعاون تے ہم آہنگی نال کم کرن۔ وزیراعظم آکھیا جو ساری اصلاحات تے اقدامات اچ انتظامی شفافیت تے بہترین کارکردگی حکومت دی اولین ترجیح اے۔ اجلاس اچ نائب وزیراعظم و وزیرِ خارجہ محمد اسحاق ڈار، وفاقی وزیرِ خزانہ محمد اورنگزیب، وفاقی وزیرِ اقتصادی امور احد خان چیمہ، وفاقی وزیرِ اطلاعات و نشریات عطاء اللہ تارڑ، وفاقی وزیرِ موسمیاتی تبدیلی مصدق ملک، وفاقی وزیرِ پاور ڈویژن سردار اویس لغاری، وفاقی وزیرِ پٹرولیم علی پرویز ملک، وزیراعظم دے معاونِ خصوصی صنعت و پیداوار ہارون اختر تے ڈائریکٹر جنرل ایس آئی ایف سی میجر جنرل اسد الرحمن چیمہ تے متعلقہ اداریں دے عہدیداران شرکت کیتی۔