اسلام آباد۔ 3 جون (اے پی پی) چیئرمین سینیٹ سید یوسف رضا گیلانی اٹلی دے نال پاکستان دے پراݨے تے دوستانہ تعلقات کوں مزید مستحکم بݨاوݨ دے عزم دا اعادہ کریندے آکھیے جو ݙوہیں ملکاں وچال تعلقات سانجھے احترام، مشترکہ مفادات تے علاقائی و عالمی امور اچ تعاون تے استوار ہن۔ اے ڳالھ انھاں اٹلی دے 80ویں یومِ جمہوریہ دے موقع تے منعقدہ استقبالیہ تقریب دے دوران پاکستان اچ اٹلی …
چیئرمین سینیٹ نال اٹالین سفیر دی غیر رسمی ملاقات، ݙوہیں ملکاں دے تعلقات تکڑے کرݨ دا عزم
مزید خبراں
اسلام آباد۔ 3 جون (اے پی پی) چیئرمین سینیٹ سید یوسف رضا گیلانی اٹلی دے نال پاکستان دے پراݨے تے دوستانہ تعلقات کوں مزید مستحکم بݨاوݨ دے عزم دا اعادہ کریندے آکھیے جو ݙوہیں ملکاں وچال تعلقات سانجھے احترام، مشترکہ مفادات تے علاقائی و عالمی امور اچ تعاون تے استوار ہن۔ اے ڳالھ انھاں اٹلی دے 80ویں یومِ جمہوریہ دے موقع تے منعقدہ استقبالیہ تقریب دے دوران پاکستان اچ اٹلی دی سفیر مس ماریلینا آرمیلن نال غیر رسمی ملاقات دے دوران آکھی۔ سید یوسف رضا گیلانی سینیٹ تے پاکستانی عوام دی طرفوں اٹلی دی حکومت تے عوام کوں قومی ݙینھ دی مبارخ ݙیندے اٹلی کوں پاکستان دا قابلِ اعتماد دوست قرار ݙتا۔ انھاں آکھیا جو پاکستان تے اٹلی وچال ݙوطرفہ تعلقات ویلھے دے نال مزید تکڑے تھئن تے مختلف شعبیں اچ تعاون دے نویں موقع پیدا تھیندے پئن۔سید یوسف رضا گیلانی پارلیمانی سفارتکاری، تجارت تے سرمایہ کاری دے ودھارے دی اہمیت تے زور ݙیندے پاکستان دے جی ایس پی پلس سٹیٹس دے حوالے نال اٹلی دی حمایت دی تعریف کیتی ۔ انھاں صحت، تعلیم تے صفائی دے شعبیں اچ اٹلی دے ترقیاتی تعاون کوں وی قابلِ قدر قرار ݙتا۔ چیئرمین سینیٹ اٹلی دی سفیر ماریلینا آرمیلن دی پاکستان تے اٹلی وچال تعلقات دے ودھارے کیتے خدمات دی تعریف کریندے ایں امید دا اظہار کیتا جو ݙوہیں ملکاں وچال دوستی تے تعاون آندے سالاں اچ مزید وسعت اختیار کریسی۔ تقریب اچ چیئرمین سینیٹ یادگاری کیک وی کٹیا تے اٹلی دی حکومت تے عوام کیتے نیک تمناوا دا اظہار کیتا
