حکومت اڄوکی بحرانی صورتحال دے عوام تے ڳھٹ توں ڳھٹ اثرات کیتے مؤثر اقدامات کیتے، وزیرِ خزانہ سینیٹر محمد اورنگزیب

اسلام آباد۔ 10 جون (اے پی پی) وزیرِ خزانہ سینیٹر محمد اورنگزیب آکھیے جو حکومت موجودہ بحرانی صورتحال دے عوام تے گھٹ توں گھٹ اثرات کیتے مؤثر اقدامات کیتے، مشکل معاشی صورتحال دے باوجود موٹر سائیکل، ٹرانسپورٹ، گڈز تے زرعی شعبے کوں پٹرول دی قیمتاں تے ٹارگٹڈ سبسڈی ݙتی۔ بدھ کوں ایوانِ بالا دے اجلاس اچ سینیٹر محسن عزیز ولوں پٹرولیم مصنوعات دی قیمتاں اچ حالیہ اضافے تے ایں توں صنعتی پیداواری لاگت تے قومی معیشت تے اثرات بارے توجہ مبذول نوٹس تے ڳالھ کریندیں ہوئیں وزیرِ خزانہ آکھیے جو وزیراعظم محمد شہباز شریف تے آرمی چیف تے چیف آف ڈیفنس فورسز سید عاصم منیر دنیا بھر اچ امن کیتے کوشاں ہن، مشرقِ وسطیٰ دا تنازعہ ترائے مہینے پہلے شروع تھیا۔ انھاں آکھیے جو حکومت ایں بحران دے عوام تے گھٹ توں گھٹ اثرات کیتے اقدامات کیتن، پہلے ترائے ہفتیاں اچ 129 ارب روپے دی سبسڈی ݙتی، سبھ کوں سبسڈی ݙیوݨ تے تنقید کیتی ڳئی، معاشی مسائل دے باوجود اساں سبسڈی ݙتی، ایں دے بعد ٹارگٹڈ سبسڈی ݙیوݨ دا عمل شروع کیتا ڳیا تاں جو غریب عوام کوں سہولت میسر آوے۔ ٹرانسپورٹ، موٹرسائیکل سواراں، کساناں تے گڈز کوں سہولت ݙتی ڳئی، پٹرول تے 100 روپے فی لیٹر سبسڈی ݙتی ڳئی۔ انھاں آکھیے جو وفاق حکومت تے سارے صوبیاں سبسڈی ݙیوݨ دے معاملے تے بھرپور حصہ گھدا، صوبیاں دی ذمہ داری ہئی جو سبسڈی اچ شفافیت برقرار رہے اتے ٹرانسپورٹ دے کرائے نہ ودھن، شفاف انداز اچ اے سبسڈی ݙتی ڳئی۔ انھاں آکھیے جو موٹرسائیکل کیتے 15.4 ارب روپے دی پٹرول تے سبسڈی ݙتی ڳئی، ایں طرزیح زرعی شعبے سمیت ٻین شعبیاں اچ سبسڈی ݙتی ڳئی، جے اے تنازعہ فوری وی ختم تھی ونڄے تاں ایں دے اثرات ولا وی برقرار رہسن۔ انھاں آکھیے جو پٹرول تے ڈیزل دی قیمتاں اچ اضافے دے عوام تے ڳھٹ توں ڳھٹ اثرات کیتے اقدامات کریندے پئیوں۔