کابل۔17 جون(اے پی پی)افغان طالبان دے زیرِ اثر افغانستان ایں ویلھے خطے اچ دہشت گردی کھنݙاوݨ دا سب توں وݙا ذریعہ ٻݨ چکیے۔ امریکی جریدے دی واشنگٹن ٹائمز دے مطابق افغانستان دے ولا دہشت گردی دی محفوظ پناہ گاہ ٻݨݨ نال پاکستان تے دہشت گردی دا بھارودھ ڳئے، امریکہ اتے ایںدے اتحادیاں دے خلاف کوئی وݙا دہشتگرد منصوبہ ولا افغانستان توں ہی اٹھی سڳدے، 2021 دے انخلا دے نتائج امریکہ …
افغان سرزمین توں سر پٹݨ آلی دہشتگردی نہ صرف پاکستان ٻھل وسطی اتے جنوبی ایشیا دے ملکاں کیتے وݙا چیلنج ٻݨ چکی اے
کابل۔17 جون(اے پی پی)افغان طالبان دے زیرِ اثر افغانستان ایں ویلھے خطے اچ دہشت گردی کھنݙاوݨ دا سب توں وݙا ذریعہ ٻݨ چکیے۔ امریکی جریدے دی واشنگٹن ٹائمز دے مطابق افغانستان دے ولا دہشت گردی دی محفوظ پناہ گاہ ٻݨݨ نال پاکستان تے دہشت گردی دا بھارودھ ڳئے، امریکہ اتے ایںدے اتحادیاں دے خلاف کوئی وݙا دہشتگرد منصوبہ ولا افغانستان توں ہی اٹھی سڳدے، 2021 دے انخلا دے نتائج امریکہ دے ہک اہم علاقائی شراکت دار پاکستان تے وی اثر انداز تھیندے پئن۔ امریکی حکومت کوں چاہیدے جو او پاکستان نال انٹیلی جنس تعاون ٻیا ودھاوے، سرحدی نگرانی اچ مدد ودھائی ونڄے۔ امریکی انتظامیہ کوں دوحہ معاہدے تے ولا غور کرݨا چاہیدے جو طالبان اپݨے وعدے پورے کرݨ اچ ناکام رہین۔ ماہرین دے مطابق 2021 اچ افغانستان توں امریکی انخلا دے بعد پیدا تھیوݨ والے سکیورٹی خلا دا سب توں وݙا نقصان پاکستان کوں بھگتݨا پوندے۔ افغان سرزمین توں ودھݨ آلی دہشت گردی نہ صرف پاکستان ٻھل وسطی اتے جنوبی ایشیا دے ملکاں کیتے ہک وݙا چیلنج ٻݨ چکی اے۔
