وفاقی بجٹ دا مقصد عوام اتے صنعتاں کوں ودھ ریلیف ݙیوݨ اے، جام کمال

اسلام آباد۔18 جون(اے پی پی)وفاقی وزیرِ تجارت جام کمال آکھیے جو حکومت موجودہ معاشی چیلنجز، توانائی دیاں ضرورتاں اتے کاروباری سرگرمیاں کوں ݙیہدے ہوئیں اینجھا بجٹ پیش کیتے جیںدا مقصد عوام اتے صنعتاں کوں ودھ توں ودھ ریلیف ݙیوݨ اے۔ پارلیمنٹ ہاؤس دے ٻاھرو میڈیا نال الیندے انہاں آکھیا جو پاکستان ہک اینجھا ملک اے جیندی توانائی دیاں ضرورتاں دا ہک وݙا حصہ بیرونی ملکاں اتے منحصر اے، ںھل حکومت پچھلے کڄھ مہینے اچ اوکھے معاشی حالات دا مؤثر انداز اچ مقابلہ کیتے جیکوں بین الاقوامی سطح تے وی سراہیا ڳئے۔ انھاں آکھیا جو حکومت کیتے ریونیو اہداف دا حصول اہم اے ٻھل ایندے نال نال عوام اتے کاروباری طبقے کوں سہولتاں ݙیوݨ وی ضروری اے تاں جو کاروبار ترقی کرن، روزگار دے نویں مواقع نکلن، سروس انڈسٹری کوں ترقی ملے اتے قومی معیشت مضبوط ہووے۔ انھاں دا آکھݨ ہئی جو بجٹ دی تیاری اچ انھاں سارے عوامل کوں ݙٹھا ڳئے اتے دستیاب گنجائش دے مطابق بہترین تجاویز پاتن، ملک اچ معاشی استحکام دی فضا پیدا تھئی اے جیںدے مثبت اثرات برآمدات اتے سرمایہ کاری تے وی پوسن۔ وفاقی وزیرِ تجارت آکھیا جو عوام اچ شعور اتے حقائق توں آگاہی ودھݨ نال ملک دشمن بیانیے دی حقیقت مزید کھل ویسی اتے پاکستان ترقی و استحکام دے سفر کوں جاری رکھیسی۔