عالمی و مقامی سطح تے سونے دیاں قیمتاں اچ وݙی کمی

کراچی۔19 جون(اے پی پی)عالمی و مقامی سطح تے سونے چاندی دیاں قیمتاں اچ وݙی کمی تھی ڳئی اے۔ آل مارکیٹ صرافہ اینڈ جیولرز ایسوسی ایشن دے مطابق 24 قیراط فی تولہ سونا 14 ہزار 9 سو روپے گھٹ تھی تے 4 لکھ 38 ہزار 36 روپے تے آ ڳئے۔ 10 گرام سونے دا ملھ 13 ہزار 410 روپے سستا تھی تے 3 لکھ 74 ہزار 205 روپے تے آ ڳئے۔ ایویں ہی 24 قیراط فی تولہ چاندی 413 روپے گھٹ تھی تے 6 ہزار 946 روپے تے آ ڳئی۔ انٹرنیشنل مارکیٹ اچ وی فی اونس سونا 149 ڈالر گھٹ تھی تے 4 ہزار 156 ڈالر تے آ ڳئے۔ صرافہ ڈیلرز دے مطابق مقامی سطح تے فی تولہ سونا ݙو ݙینھاں اچ 17 ہزار 2 سو روپے سستا تھئے۔