پاکستان دے نور زمان اتے ناصر اقبال ایشین ڈبلز اسکواش چیمپئن شپ دے سیمی فائنل اچ پڄ ڳئن

اسلام آباد۔19 جون(اے پی پی)پاکستان دے نور زمان اتے ناصر اقبال شاندار کارکردگی ݙکھیندے تریجھی ایشین ڈبلز اسکواش چیمپئن شپ 2026 دے سیمی فائنل کیتے کوالیفائی کر گھدے، ڄݙاں جو پاکستان دے محمد حمزہ خان اتے محمد عاصم خان کوں کوارٹر فائنل اچ ہار ݙیکھݨی پئی۔ کوارٹر فائنل مقابلیاں اچ نور زمان اتے ناصر اقبال جنوبی کوریا دے او سیوجن اتے لی من وو کوں سنسنی خیز مقابلے دے بعد 1-2 نال ہرا ݙتے۔ میچ دا اسکور 12-10، 4-11 اتے 2-11 رہے۔ اے مقابلہ 28 منٹ تئیں جاری رہے۔ ہک ٻئے کوارٹر فائنل اچ پاکستان دے محمد حمزہ خان اتے محمد عاصم خان دا مقابلہ ملائیشیا دے سنجے جیوا اتے ڈنکن لی نال تھئے، جیںدے اچ قومی جوڑی کوں 2-1 نال شکست تھئی۔ میچ دا اسکور 11-4، 9-11 اتے 11-7 رہے۔ چیمپئن شپ دے سیمی فائنل مقابلے چھݨ چھݨ کوں کھیݙے ویسن، جتھاں نور زمان اتے ناصر اقبال پاکستان دی نمائندگی کریندے ہوئیں فائنل تئیں رسائی کیتے میدان اچ لھسن۔