لبنان تے اسرائیلی بربریت جاری،شہری آبادی تے گولہ باری اچ 8 ڄݨے شہید کئی زخمی

بیروت۔19 جون (اے پی پی)اسرائیل دے جنوبی لبنان اچ فضائی حملیاں اتے توپ خانے دی گولہ باری نال گھٹ توں گھٹ 16 بندے شہید اتے کئی زخمی تے لاپتا تھی ڳئن۔ لبنان دی سرکاری خبر ایجنسی دے مطابق ساری رات اسرائیلی بمباری شدت نال جاری رہی جیندے اچ کئی گھراں کوں نشانہ ٻݨایا ڳئے۔ رپورٹ دے مطابق اسرائیلی توپ خانے نبطیہ شہر، کفر جوز، کفر رمان اتے زبدین سودھا کئی قصبیاں تے گولے وسائن، جیندے بعد فضائی حملیاں دی لہر کفر تبنیت اتے ریحان دیاں پہاڑیاں کوں وی نشانہ ٻݨایا۔ خبر ایجنسی دے مطابق نبطیہ اتے حروف اچ گھٹ توں گھٹ 8 بندے شہید تھئن۔ الشرقیہ اتے دویر دے نیڑے ہک حملے اچ 4 بندے ماریے ڳئن۔ کفر صیر دے قصبے اچ ہک حملے اچ 3 بندے شہید تھئن۔ دویر میونسپلٹی دی عمارت دے نیڑے ہک موٹر سائیکل تے اسرائیلی ڈرون حملے اچ ہک بندہ شہید اتے ہک زخمی تھی ڳیا۔ ٻئے پاسو اسرائیلی حکام دعویٰ کیتے حزب اللہ دے جنگجواں نال جھڑپ اچ 4 اسرائیلی فوجی وی ماریے ڳئن، اسرائیل  لبنان دی زمین چھوڑیس نا ہی اتھو اپݨی فوج کݙھیسی۔