تیل دیاں قیمتاں ڳھٹݨ دے ثمرات عام آدمی تئیں پڄاوݨ کیتے فول پروف طریقہ کار ضروری اے، جام کمال خان

اسلام آباد۔20 جون (اے پی پی)وفاقی وزیرِ تجارت جام کمال خان آکھیے جو پٹرولیم مصنوعات دیاں قیمتاں اچ کمی دے اثرات عام لوکاں، دکاناں اتے روزمرہ دیاں شئیں تے منتقل کرݨ کیتے فول پروف طریقہ کار اپناوݨ ضروری اے، تاں جو لوکاں کوں فوراً ریلیف ݙتا ونڄ سڳے۔ پارلیمنٹ ہاؤس دے ٻاہرو میڈیا نال ڳالھ مہاڑ کریندے ہوئیں وفاقی وزیرِ تجارت جام کمال خان دا آکھݨ ہئی جو عام دکاناں اتے شئیں دیاں قیمتاں دی نگرانی کیتے اڄ دے دور اچ ہائی ٹیکنالوجی دی مدد نال انتہائی آسان اتے مؤثر نظام نافذ کیتا ونڄ سڳدے اتے ممکنہ طور تے صوبائی حکومتاں ایں پاسے کم وی کرینداں پئن۔ انھاں عوامی شکایات دا ݙسیندے آکھیا جو عوام ہمیشہ اے چاہندن جو اینجھا سسٹم موجود ہووے جیںدے نال فیول سستا تھیندے ہی قیمتاں تے فوراً عملدرآمد کیتا ونڄ سڳے۔ ایں پورے عمل کوں مربوط بݨاوݨ کیتے ہک مستقل میکانزم دا ہووݨ ٻہوں ضروری اے، جیںدے تے ہولے ہولے کم تھیندا پئے ٻھل ایکوں تیکھا کرݨ دی لوڑھ اے۔