آئی بی سی سی اوورسیز درخواست دہندگان کیتے ” اے پے” سہولت شروع کر ݙتی

اسلام آباد۔ 20 جون(اے پی پی) انٹر بورڈز کوآرڈینیشن کمیشن” آئی بی سی سی” بین الاقوامی ایکویولینس دے درخواست دہندگان کیتے” آئی بی سی سی ، ای پے” دے ناں توں آن لائن ویزا اتےماسٹر کارڈ ادائیگی دی سہولت متعارف کرا ݙتی اے، جیندے نال ڄڳ دے کہیں وی حصے توں محفوظ، تیز تر اتے سوکھیں فیس جمع کروائی ونڄ سڳسی۔ اے سہولت بیرونِ ملک مقیم پاکستانیاں، بین الاقوامی طلبہ اتے غیر ملکی درخواست دہندگان دی سہولت کیتے اے جیڑھے آئی بی سی سی توں ایکویولینس خدمات حاصل کریندن۔  ” آئی بی سی سی ، ای پے” توں درخواست دہندگان ہݨ بینک اچ آپ آئے بغیر آن لائن ادائیگی کر سڳسن، ” آئی بی سی سی ، ای پے”  دا اجراء ادارے دے وسیع تر ڈیجیٹل ٹرانسفارمیشن پروگرام دا حصہ اے، جیندے نال عوامی خدمات اچ شفافیت و کارکردگی ودھسی اتے صارفین کوںس وکھ ملسی۔ ایں سانڳے ایگزیکٹو ڈائریکٹر آئی بی سی سی ڈاکٹر غلام علی ملّاح آکھیے جو اے سہولت وزارتِ وفاقی تعلیم و پیشہ ورانہ تربیت دی خصوصی ہدایات اتے مسلسل معاونت دے تحت بیرونِ ملک طلبہ اتے درخواست دہندگان دی سہولت کیتے متعارف کرائی ڳئی اے۔ ڈاکٹر ملّاح وفاقی وزیرِ تعلیم و پیشہ ورانہ تربیت تے وفاقی سیکرٹری تعلیم دی رہنمائی، حوصلہ افزائی اتے تعاون دی تعریف کیتی اتے آکھیا جو اے نظام مکمل طور تے آئی بی سی سی دی اندرونی تکنیکی ٹیم ٻݨائے، جیڑھا ادارے دی ودھدی تکنیکی صلاحیتاں اتے جدت پسندی دا ثبوت اے، ایں سانڳے آئی بی سی سی دی آئی ٹی ٹیم دی کارکدگی بہترین رہی اے ڄݙآں جو ادارے اچ عوامی سہولت، شفافیت اتے طریقہ کار کوں ٻیا سوکھا ٻݨاوݨ کیتے کئی ٻئے ڈیجیٹل منصوبیاں تے وی کم جاری اے۔ آئی بی سی سی جدید ٹیکنالوجی دے مؤثر استعمال نال پاکستان اتے دنیا بھر اچ طلبہ اتے ٻئے متعلقہ فریقین کوں معیاری، مؤثر اتے آسان خدمات ݙیوݨ دے اپݨے عزم تے قائم اے۔