کراکس۔25 جون (اے پی پی) وینزویلا دی عبوری صدر ڈیلسی روڈریگیز دا آکھݨ اے جو ایں ویلھے انھاں دی حکومت دی ترجیح جاناں بچاوݨ اے تے حکام ڈٹھیاں عمارتاں دے ملبے تلوں لوکاں کوں کڈھݨ دیاں کوششاں اچ لڳے ہوئن۔بی بی سی موجب روڈریگیز دا آکھݨ ہئی جو آوݨ آلے کجھ گھنٹے اچ امریکہ، ڈومینیکن ریپبلک، میکسیکو تے ایل سلواڈور سودھے ݙوجھے ملکاں توں امدادی کارکن پڄݨ شروع تھی ویسن۔ …
ایں ویلھے حکومت دی ترجیح جاناں بچاوݨ اے، وینزویلا صدر ڈیلسی روڈریگیز
کراکس۔25 جون (اے پی پی) وینزویلا دی عبوری صدر ڈیلسی روڈریگیز دا آکھݨ اے جو ایں ویلھے انھاں دی حکومت دی ترجیح جاناں بچاوݨ اے تے حکام ڈٹھیاں عمارتاں دے ملبے تلوں لوکاں کوں کڈھݨ دیاں کوششاں اچ لڳے ہوئن۔بی بی سی موجب روڈریگیز دا آکھݨ ہئی جو آوݨ آلے کجھ گھنٹے اچ امریکہ، ڈومینیکن ریپبلک، میکسیکو تے ایل سلواڈور سودھے ݙوجھے ملکاں توں امدادی کارکن پڄݨ شروع تھی ویسن۔ انھاں مزید آکھیا جو اپݨے گھر ونڄا ݙیوݨ آلیں سانڳے ہوٹلاں تے پناہ گاہواں دا انتظام موجود اے تے عوامی خدمات کیتے ساریاں غیرضروری سرگرمیاں معطل کرݙتیاں ڳئن۔عبوری صدر دا آکھݨ اے جو زلزلے نال ساریں توں زیادہ کراکس دے شمال اچ واقع ریاست “لا گوائیرا” متاثر اے جتھاں درجناں عمارتاں ڈھہہ ڳئن ۔انھاں ایں کوں ’آفت زدہ علاقہ‘ قرار ݙتے۔ 32 ہلاکتاں دیاں اطلاعات بارے اچ ڳالھ کریندے عبوری صدر دا آکھݨ ہئی جو ایں اچ لا گوائیرا اچ تھیوݨ آلیاں ممکنہ ہلاکتاں شامل کائنی۔
