اسلام آباد۔ 26 جون (اے پی پی)شہراحمد پور شرقیہ وچ تعزیہ، علم تے ذوالجناح دا مرکزی جلوس امام بارگاہ نور شاہ بخاری توں برآمد تھیا، جیڑھا کربلا چوک منیر شہید پڄ تے اختتام پذیر تھیا جتھاں شامِ غریباں برپا کیتی ڳئی۔ اسسٹنٹ کمشنر اقراء ناصر دی نگرانی وچ امام بارگاہواں تے محرم دے جلوساں دے روٹس تے صفائی ستھرائی دا مرحلہ پہلے ہی مکمل کر گھدا ڳیا ہئی، جݙاں جو …
احمد پورشرقیہ وچ عاشورہ اڄ عقیدت و احترام نال منایا ڳیا، اسسٹنٹ کمشنراقرا ناصر تے ڈی ایس پی محمد جاوید اخترچوہدری
اسلام آباد۔ 26 جون (اے پی پی)شہراحمد پور شرقیہ وچ تعزیہ، علم تے ذوالجناح دا مرکزی جلوس امام بارگاہ نور شاہ بخاری توں برآمد تھیا، جیڑھا کربلا چوک منیر شہید پڄ تے اختتام پذیر تھیا جتھاں شامِ غریباں برپا کیتی ڳئی۔ اسسٹنٹ کمشنر اقراء ناصر دی نگرانی وچ امام بارگاہواں تے محرم دے جلوساں دے روٹس تے صفائی ستھرائی دا مرحلہ پہلے ہی مکمل کر گھدا ڳیا ہئی، جݙاں جو ڈی ایس پی محمد جاوید اختر چوہدری دی قیادت وچ پولیس ملازمین دیاں تحصیل وچ حفاظتی ڈیوٹیاں لاتیاں ڳیاں ہن۔جلوس دے پورے رستے وچ کھیر تے پاݨی دیاں سبیلاں لاتیاں ڳیاں ہن، جݙاں جو نوحہ خوان پارٹیاں امامِ عالی مقام حضرت سیدنا امام حسین علیہ السلام کوں خراجِ عقیدت پیش کیتا۔ایویں ہی چنی ڳوٹھ، اوچشریف، جانو والا، مبارک پور، دیرہ نواب صاحب، سکھیل، ہتیجھی تے ٻنہاں وݙے سارے مقامات توں وی تعزیہ، علم تے ذوالجناح دے جلوس کڈھے ڳئن۔ مقامی انتظامیہ اسسٹنٹ کمشنر اقرا ناصر دی نگرانی وچ سب ڈویژن احمد پور شرقیہ دیاں امام بارگاہواں دے علاوہ محرم دے جلوساں دے روٹس تے صفائی و ستھرائی دے خصوصی اقدامات کیتے ڳئے۔ݙوجھے پاسے ڈپٹی سپرنٹنڈنٹ پولیس (ڈی ایس پی) محمد جاوید اختر چوہدری دی قیادت وچ سرکل پولیس دے ملازمین دیاں تحصیل وچ حفاظتی ڈیوٹیاں لاتیاں ڳیاں ہن تے پولیس موبائلاں برابر گشت کریندیاں رہیاں، نال ہی رینجرز تے ریزرو پولیس کوں حساس جہیں تے تعینات کیتا ڳیا ہئی۔ ایویں ہی پاک فوج دے دستے کہیں وی ناگہانی صورتِ حال نال نبٹݨ کیتے دیرہ نواب صاحب چھاؤݨی وچ الرٹ رہیے۔(ڈاکٹرسعدیہ کمال)
