سرائیکی وسیب دے سارے ضلعیں وچ یومِ عاشور دے جلوس تے مجالس اختتام پذیر

ملتان۔ 26 جون (اے پی پی) سرائیکی وسیب وچ عاشورہ دے دوران امن و امان یقینی بݨاوݨ تے ایڈیشنل چیف سیکریٹری پنجاب پولیس تے سکیورٹی اداریں کوں شاباش ݙتی اے، نال ہی عزاداراں کوں ہر ویلھے سہولتاں ݙیوݨ یقینی بݨاوݨ سانڳے کیتے ڳئے انتظامی اقدامات تے انتظامی افسران و ملازمین کوں وی شاباش ݙتی اے۔یومِ عاشور تے ایڈیشنل چیف سیکریٹری جنوبی پنجاب فواد ہاشم ربانی، ایڈیشنل آئی جی جنوبی پنجاب محمد کامران خان دے رلے پنجاب سیف سٹیز اتھارٹی دے مرکزی دفتر ملتان وچ جنوبی پنجاب دے سارے جلوساں دی نگرانی کیتی۔ ایڈیشنل چیف سیکریٹری جنوبی پنجاب فواد ہاشم ربانی ݙسایا یومِ عاشور تے جنوبی پنجاب دے سارے ضلعیں وچ 3347 سی سی ٹی وی کیمریاں تے پنجاب سیف سٹی اتھارٹیز دے 1989 کیمریاں دے ذریعے لائیو مانیٹرنگ کیتی ڳئی۔انہاں مزید ݙسایا عاشورہ تے جنوبی پنجاب وچ 16836 پولیس افسران تے اہلکاراں ڈیوٹی دے فرائض سرانجام ݙتے۔ ایں موقع تے جنوبی پنجاب بھر وچ 3883 سول ڈیفنس دے اہلکاراں وی اپݨے فرائض نبھائے۔ جنوبی پنجاب دے سارے ضلعیاں وچ “ستھرا پنجاب” دے 12121 اہلکار صفائی ستھرائی دے کم وچ مصروف رہیے۔ عزاداراں کوں ہر ویلھے طبی سہولتاں ݙیوݨ کیتے 232 “کلینکس آن ویلز” (موبائل ہسپتال) ڈیوٹی تے مامور رہیے۔یومِ عاشور تے جنوبی پنجاب دے سارے ضلعیاں وچ 852 ماتمی جلوس برآمد تھئے جݙاں جو 869 مجالسِ عزاداری منعقد کیتیاں ڳیاں۔(ڈاکٹرسعدیہ کمال)