اسلام آباد ۔ 29 اپریل (اے پی پی) قوم دا مستقبل تعلیم نال جڑیا ہویا ہے۔ تعلیم دا ودھارا بین الاقوامی ذمے داری دے نال نال ملک دے روشن مستقبل سانگے وی بہوں ضروری ہے۔ پاکستان دی حکومت دا وژن2025ءملک وچ علم تے مبنی معیشت دی ترقی دی ضرورت تے زور ڈتا ہے جیرھا جو تعلیم دے ودھارے دے بغیر ممکن کائنی۔اے ملک دی بدقسمتی ہے جو پاکستان دنیا دے انہاں ملکاں دی صف وچ شامل ہے جتھاں بالاں دی ہک وڈی تعداد اسکولاں توں پرے ہے۔ہک محتاط اندازے دے مطابق پاکستان وچ تقریباً پرائمری توں ہائرسیکنڈری سطح تئیںدی عمر دے ڈو کروڑ 40لکھ بالاں کوں اسکولاں وچ داخل کرنڑ ہے۔ا تنی وڈی تعداد وچ بالاں کوں اسکولاں وچ داخل کرنڑ نال ملک وچ ہک تعلیمی انقلاب آ سگدے ۔اگر تعلیم دا اختیاراٹھارویں آئینی ترمیم دے تحت صوبیاں کوں منتقل تھی گئے لیکن وفاقی حکومت اپنڑی ذمے داری توں بری الذمہ نی تھی سگدی جیرھا جو آئین دے آرٹیکل 25۔اے ایندے تے عائد کریندا جیندے نال وفاق اتے صوبیاں کوں کٹھے ر ل مل تے مربوط کوششاں نال تعلیمی اہداف حاصل کرن ۔جمعہ کوں پلاننگ کمےشن دے حکام اے پی پی کوں ڈسایا جو وفاقی وزیر منصوبہ بندی ترقی تے اصلاحات پروفیسر احسن اقبال وی ایں حوالے نال ہداےات ڈتیاں ہن جیرھاں جو کہیں وی ملک دی ترقی وچ خواندگی بہوں اہمےت دی حامل ہے اتے تعلےم دے بغےر ترقی ناممکن ہے ،وژن 2025 دے تحت تعلےم دے شعبے سانگے خصوصی اقدامات کیتے گئے ہن ،نوجوان جنوبی ایشیاءدی تعمیر تے ترقی سانگے مثالی اتے فعال کردار ادا کر یسن ۔انہاں ڈسایا جو وفاقی حکومت پہلی توں 30 اپریل تئیں ملک گیر ”اسکول چلو“ داخلہ مہم چلیندی پئی ہے۔ حکومت پاکستان ا ے مہم چلاونڑدامنصوبہ اپنڑے گزریل کامیاب تجربے کوںسامنڑے رکھیندے ہوئیں بنڑایا جو8 ستمبر1999کوںانٹرنیشنل لٹریسی ڈے تے شروع کیتا گیا ہا۔انہاں ڈسایاایں مہم وچ ہک لکھ بالاں کوں اسکولاں وچ داخلے دا ہدف مقرر کیتا گیا ہائی۔ ایںمہم دی کامیابی دا اندازہ ایں حقیقت نال لاتا ونج سگدے جو ہک لکھ دے ہدف دے مقابلے وچ 876,000بالاںاسکولاں وچ داخلہ گھدا۔ا ایں تجربے دی روشنی وچ ”اسکول چلو“ قومی داخلہ مہم دا آغا ز کیتا گئے۔ایں مہم دی کامیابی سانگے وفاقی حکومت پر عزم ہے اتے ایکوں صوبیں، میڈیا، سول سوسائٹی اتے بئے شراکت داراں دے تعاون نال کامیاب بنڑایا ویندا پئے ۔ انہاں ڈسایا جو ا یہ مہم براہ راست وزیر اعظم،وزرائے اعلیٰ، سینیٹرز، قومی تے صوبائی اسمبلی دے رکناں دی سرپرستی وچ چلائی ویندی پئی ہے ۔سارے منتخب نمائندے اپنڑے اپنڑے ضلعیں دے تعلیمی افسران دے کٹھے اپنڑے حلقیاںدا دورہ کریسن۔ اینویںای کاروباری طبقے کوں انہاں دے چیمبرز دے ذریعے متحرک کیتا ویسی جوا ووی ایندے وچ ودھ چڑھ تے حصہ گھنن۔ حکومت تعلیم سانگے جی ڈی پی دا ترائے فیصد مختص کرنڑ آلے پاسے ودھدی پئی ہے اتے امید ہے جو تعلیم سانگے چار فیصد بجٹ مختص کرنڑ داسنگ مےل وی وختی پورا کر گھدا ویسی۔
