بھکر۔2 جولائی (اے پی پی) ڈپٹی کمشنر احسان علی جمالی منی زو بھکر دا خصوصی دورہ کیا۔ ایں موقع تے اسسٹنٹ کمشنر غلام محی الدین رضا وی انھاں دے رَلے ہن۔ ڈپٹی کمشنر منی زو اچ زناوراں تے پَکھیں دی ݙیکھ بھال، صفائی ستھرائی، خوراک تے مجموعی انتظامات دا تفصیلی جائزہ ڳھدا۔ انھاں آکھیا جو منی زو اچ سٹاف دی کمی کوں پورا کرݨ کیتے محکمہِ وائلڈ لائف کوں سفارشات …
ڈپٹی کمشنر احسان علی جمالی دا منی زو بھکر دا خصوصی دورہ
بھکر۔2 جولائی (اے پی پی) ڈپٹی کمشنر احسان علی جمالی منی زو بھکر دا خصوصی دورہ کیا۔ ایں موقع تے اسسٹنٹ کمشنر غلام محی الدین رضا وی انھاں دے رَلے ہن۔ ڈپٹی کمشنر منی زو اچ زناوراں تے پَکھیں دی ݙیکھ بھال، صفائی ستھرائی، خوراک تے مجموعی انتظامات دا تفصیلی جائزہ ڳھدا۔ انھاں آکھیا جو منی زو اچ سٹاف دی کمی کوں پورا کرݨ کیتے محکمہِ وائلڈ لائف کوں سفارشات بھیڄاں ویندیاں پئن تاں جو منی زو اچ بہترین انتظامات کوں یقینی بݨایا ونڄ سڳے۔انھاں منی زو اچ صفائی ستھرائی تے ٻئے انتظامات دی بہتری کیتے ستھرا پنجاب تے ٻئیاں ٹیماں تعینات کرݨ دے احکامات جاری کیتن تاں جو منی زو اچ صفائی تے زناوراں دی ݙیکھ بھال دے امور اچ بہتری گھن آئی ونڄ سڳے۔ ڈپٹی کمشنر احسان علی جمالی زناوراں تے پکھیں دی دی روزانہ دی بنیاد تے بہترین ݙیکھ بھال، وقتی تے معیاری خوراک ہر صورت یقینی بݨاوݨ دے اقدامات کرݨ دی وی ہدایت کیتی۔ انھاں اسسٹنٹ کمشنر بھکر غلام محی الدین رضا کوں روزانہ دی بنیاد تے منی زو دا دورہ کرتے صفائی، زناوراں دی صحت، خوراک تے ٻئے انتظامی امور دی مسلسل نگرانی کرݨ دے احکامات وی جاری کیتے تاں جو منی زو اچ شہریاں کوں صاف، محفوظ تے معیاری تفریحی ماحول مل سڳے۔
