فیفا ورلڈ کپ 2026، سپین دی فٹ بال ٹیم کوارٹر فائنل اچ داخل، پرتگال ٹاپ 16 اچ شکست دے بعد باہر

ڈیلاس۔7 جولائی (اے پی پی) سپین دی ٹیم فیفا ورلڈ کپ 2026 دے پری کوارٹر فائنل اچ پرتگال کوں سنسنی خیز مقابلے دے بعد 0-1 گول توں شکست ݙے تے کوارٹر فائنل اچ پڄ ڳئی۔ ای ایس پی این دے مطابق میکائیل میرینو میچ دے چھیکڑی لمحات اچ فیصلہ کن گول کر تے آپݨی ٹیم سپین دی فتح اچ اہم کردار ادا کیتا۔ سپین سنسنی خیز مقابلے دے بعد پرتگال کوں 0-1 توں شکست ݙے تے ٹورنامنٹ توں نہ صرف باہر کر ݙتا بلکہ کوارٹر فائنل تائیں وی رسائی حاصل کر گھدی۔ کرسٹیانو رونالڈو دا ورلڈ کپ جِتّݨ دا خواب شرمندہِ تعبیر نہ تھی سڳیا۔ امریکا دے شہر ڈیلاس اچ کھیݙے ڳئے میچ اچ ݙوہائیں ٹیماں وچال سخت مقابلہ ݙیکھݨ اچ آیا، تاہم مقررہ وقت دے آخری لمحات اچ سپین فیصلہ کن گول کر تے کامیابی آپݨے ناں کر گھدی۔ سپین ولوں میکائیل میرینو 90ویں منٹ اچ شاندار گول سکور کیتا، جو میچ دا واحد تے فیصلہ کن گول ثابت تھیا۔ ایں شکست دے نال پرتگال دا فیفا ورلڈ کپ 2026 اچ سفر اختتام پذیر تھی ڳیا۔