رحیم یارخان، ساؤتھ ایئررحیم یارخان 18 جولائی توں آپݨے فلائٹ شیڈول دا اعلان کرݙتے، سیلز مینیجر ساؤتھ ایئر

رحیم یار خان۔ 13 جولائی (اے پی پی) ساؤتھ ایئر رحیم یار خان توں پروازاں دے شیڈول دا اعلان کرݙتے۔ سٹیشن/ سیلز مینیجر ساؤتھ ایئر رحیم یار خان عبدالغفار شہزاد موجب18 جولائی توں نافذ العمل شیڈول موجب ہفتے دے ݙینھاں کراچی توں ساؤتھ ایئر دی پہلی افتتاحی پرواز زیڈ 8-940 سویلے7 وڄ تے 30 منٹ تے روانہ تھی تے شیخ زید ایئرپورٹ رحیم یارخان سویلے8 وڄ تے 55 منٹ تے پڄسی۔ تے 9 وڄ تے 40 منٹ تے رحیم یارخان توں اسلام آباد کیتے روانہ تھیسی۔ 11 وڄ تے 40 منٹ تے اسلام آباد پُڄسی۔ ایویں زیڈ 8- 972 اسلام آباد توں 12 وڄ تے 25 منٹ تے روانہ تھی تے تریجھے پیر 2 وڄ تے 40 منٹ تے رحیم یار خان پڄسی۔عبدالغفار شہزاد مزید ݙسائے جو ایں ݙینھ ہفتے دی شام زیڈ 8-972 شیخ زید ایئرپورٹ توں کراچی کیتے 3 وڄ تے 25 منٹ تے روانہ تھیسی۔ تے کراچی شام 5 وڄے پُڄسی۔ بالکل ایویں 22 جولائی ٻدھ کوں ساؤتھ ایئر دا فلائٹ شیڈول رحیم یار خان کیتے ہے۔ انھاں آکھیا جو 18 جولائی توں نافذ ساؤتھ ایئر دا کراچی تے اسلام آباد توں رحیم یارخان کیتے فلائٹ شیڈول اڳلے شیڈول تئیں نافذ العمل رہسی۔