خام تیل تے سونے دی قیمتاں اچ ودھارا، اجناس دی قیمتاں اچ ڳھٹکی ریکارڈ

اسلام آباد۔14جولائی (اے پی پی) بین الاقوامی منڈیاں اچ منگل کوں خام تیل تے سونے دیاں قیمتاں اچ ودھارا ڄݙاں جو اجناس دی قیمتاں اچ ڳھٹکی دا رجحان رہیا۔ بلومبرگ دی رپورٹ دے مطابق کاروباری سرگرمیاں دے دوران ڈبلیو ٹی آئی کروڈ آئل دے اگست اچ ترسیل کیتے سودے 1.98 ڈالر اضافے نال 80.12 ڈالر فی بیرل اچ طے تھیے ڄݙاں جو برینٹ کروڈ دے ستمبر اچ ترسیل دے معاہدے 2.65 ڈالر اضافے نال 85.95 ڈالر فی بیرل اچ تھئے۔ سونے تے چاندی دیاں قیمتاں اچ وی اضافے دا رجحان رہیا اتے سونے دی قیمت 20.40 ڈالر اضافے نال 4026.10 ڈالر فی اونس اتے چاندی دی قیمت 0.37 ڈالر دے عمومی اضافے نال 58.35 ڈالر فی اونس تائیں پڄ ڳئی۔ کاروباری سرگرمیاں دے دوران مکئی تے کنڑک دیاں قیمتاں اچ ڳھٹکی ریکارڈ کیتی ڳئی اتے مکئی دے دسمبر اچ ترسیل دے معاہدے 5.50 ڈالر ڳھٹکی نال 457.75 ڈالر فی بشل تے کنڑخ دے ستمبر اچ ترسیل کیتے معاہدے 2.25 ڈالر ڳھٹکی نال 633 ڈالر فی بشل اچ طے تھیے۔