پاکستان جونیئر سکواش ٹیم ورلڈ چیمپئن شپ اچ شرکت کیتے کینیڈا روانہ

اسلام آباد۔ 17 جولائی(اے پی پی)ورلڈ جونیئر سکواش چیمپئن شپ 2026 اچ شرکت کیتے پاکستان جونیئر اسکواش ٹیم اسلام آباد انٹرنیشنل ایئرپورٹ توں کینیڈا روانہ تھی ڳئی اے۔ ورلڈ جونیئر سکواش چیمپئن شپ 20 توں 31 جولائی تئیں کینیڈا اچ کھیݙی ویسی، جیندے اچ 24 ملکاں دے 19 سال توں گھٹ عمر دے 185 کھلاڑی حصہ گھنسن۔ قومی ٹیم نال مینیجر منصور زمان اتے ہیڈ کوچ فہیم گل وی کینیڈا ڳئن، عبداللہ نواز، نعمان خان، محمد عمیر عارف اتے یحییٰ خان ایونٹ اچ پاکستان دی نمائندگی کریسن۔ قومی جونیئر سکواش ٹیم عزم کیتے جو او عالمی سطح تے چنڳی کارکردگی ڈکھیندے ہوئیں پاکستان دا ناں اچا کریسی۔