پاکستان تقریباً 9 سال بعد ایس اینڈ پی گلوبل دی ’بی‘ کریڈٹ ریٹنگ ولا حاصل کر گھدی

اسلام آباد۔22جولائی(اے پی پی)وزیر خزانہ دے مشیر خرم شہزاد آکھیے جو پاکستان تقریباً 9 سال بعد ایس اینڈ پی گلوبل دی ’بی‘ کریڈٹ ریٹنگ ولا حاصل کر گھدی اے جیڑھی پاکستان دی معاشی بحالی اتے عالمی اعتماد دی عکاسی اے۔ انہاں آکھیا جو ایس اینڈ پی گلوبل ریٹنگز پاکستان دی کریڈٹ ریٹنگ ‘B-‘ توں ودھا تے ‘B’ کر ݙتی اے جیںدے بعد پاکستان تقریباً 9 سالاں بعد ولا ‘B’ کریڈٹ ریٹنگ حاصل کیتی اے۔ پاکستان کولو آخری واری 2016-17 اچ ’بی‘ کریڈٹ ریٹنگ موجود ہئی اتے کریڈٹ ریٹنگ اچ چنڳائی پاکستان دی معاشی بحالی اتے عالمی اعتماد دا ہک ٻیا اہم اظہار اے۔ ایس اینڈ پی گلوبل آپݨی رپورٹ اچ پاکستان دی ادارہ جاتی استعداد اچ چنڳائی، اہم اصلاحات اتے عملدرآمد، مالیاتی استحکام کیتے تیز رفتار اقدامات، زرمبادلہ دے ذخائر اچ اضافہ اتے مجموعی معاشی استحکام کوں ریٹنگ اچ چنڳائی دی بنیادی وجوہات قرار ݙتے۔ ماہرین موجب کریڈٹ ریٹنگ اچ چنڳائی پاکستان دی معاشی بحالی دی کوششاں کیتے ہک مثبت اتے حوصلہ افزا اشارہ اے۔