پاکستان ویمنز کرکٹ ٹیم سری لنکا کوں پہلے ون ڈے اچ ہرا تے سیریز اچ وتھی ڳھن ڳھدی

ہمبنٹوٹا۔23 جولائی (اے پی پی)پاکستان ویمنز کرکٹ ٹیم سری لنکا کوں پہلے ون ڈے اچ 5 وکٹاں توں ہرا تے 3 میچاں دی سیریر اچ وتھی ڳھن ڳھدی اے۔  ہمبنٹوٹا اچ کھیݙے ڳئے میچ اچ سری لنکا ویمن ٹیم پہلے بیٹنگ کریندے ہوئیں مقررہ اوورز اچ 9 وکٹاں دے نقصان تے 210 رنز ٻݨائے۔ پاکستان ولوں نشرہ سندھو 3 اتے تسمیہ رباب 2 کھلاڑیاں کوں آؤٹ کیتے۔ ولدے اچ پاکستان ویمن ٹیم 211 رنز دا ہدف 43 اوورز اچ 5 وکٹاں دے نقصان تے پورا کر ڳھدے۔ گل فیروزہ شاندار 78 رنز دی اننگز کھیݙ تے فتح اچ اہم کردار ادا کیتے، سدرہ امین 57 رنز دی ذمہ دارانہ اننگز کھیݙی۔ ݙوہائیں ٹیماں وچال سیریز دا ݙوجھا ون ڈے میچ ہفتے کوں کھیݙیا ویسی، جتھاں پاکستان کوں سیریز اپݨے ناویں کرݨ ڄݙاں جو سری لنکا کوں مقابلہ برابر کرݨ دا موقع ملسی۔