پاک ویمن کرکٹ ٹیم ٹی ٹوئنٹی سیریز کیتے سری لنکا پڄ ڳئی

لاہور۔29جولائی(اے پی پی)پاکستان ویمن کرکٹ ٹیم سری لنکا دے شہر دمبولا پڄ ڳئی اے جتھاں میزبان سری لنکا دے خلاف ترائے ٹی 20 انٹرنیشنل میچاں دی سیریز کھیݙی ویسی۔ قومی ٹیم دے کھلاڑیاں اتے آفیشلز دا دمبولا اچ خیرمقدم کیتا ڳیا۔ شیڈول دے مطابق پاکستان ویمن کرکٹ ٹیم خمیس کوں دمبولا اچ ٹریننگ سیشن کریسی، جیںدے اچ کھلاڑی بیٹنگ، بولنگ، فیلڈنگ اتے فٹنس تے توجہ ݙیسن۔ کوچنگ اسٹاف وی سیریز توں پہلے کھلاڑیاں دی تکنیکی خامیاں مکاوݨ اتے مختلف حکمتِ عملیاں تے کم کریسی تاں جو ٹیم مضبوط تیاری نال میدان اچ آوے۔ سیریز دے سارے میچ دمبولا اچ کھیݙیے ویسن۔ سیریز دا پہلا میچ 31 جولائی، ݙوجھا 2 اگست، تریجھا اتے آخری ٹی ٹوئنٹی 3 اگست کوں ہوسی۔