ملک دے زر مبادلہ دے مجموعی ذخائر بیرونی قرضیاں دی ادائیگی پاروں ڳھٹ تے 22.442 ارب ڈالر تھی ڳئن

اسلام آباد۔30جولائی (اے پی پی) ملک دے زر مبادلہ دے مجموعی ذخائر بیرونی قرضیاں دی ادائیگی پاروں 229 ملین ڈالر ڳھٹ تے 22.442 ارب ڈالر تھی ڳئن۔ سٹیٹ بینک آف پاکستان دی جاری رپورٹ دے مطابق 24 جولائی 2026ء کوں مکݨ آلے ہفتے اچ ملکی زرمبادلہ دے مجموعی ذخائر 22.442 ملین ڈالر ریکارڈ کیتے ڳئن جیںدے اچ سٹیٹ بینک آف پاکستان دے زر مبادلہ دے ذخائر دا حجم 17.0299 ملین ڈالر اتے کمرشل بینکاں کولو زرمبادلہ دے ذخائر دا حجم 5.4122 ملین ڈالر اے۔ رپورٹ دے مطابق 24 جولائی 2026ء کوں مکݨ والے ہفتے اچ سٹیٹ بینک دے زرمبادلہ ذخائر 229 ملین ڈالر دی کمی نال 17.0299 ملین ڈالر رہ ڳئن۔ سٹیٹ بینک دے زرمبادلہ ذخائر اچ اے کمی بیرونی قرضیاں دی ادائیگی پاروں تھئی اے۔