ایل پی جی دے بعد ایل این جی دا ملھ وی ودھ ڳئے

اسلام آباد۔31 جولائی(اے پی پی)پاکستان اچ مائع قدرتی گیس (ایل این جی) دا ملھ وی ودھ ڳئے، اتے مختلف گیس کمپنیاں کیتے ملھ 32 توں 34 فیصد تئیں ودھایا ڳئے۔ اعلامیے دے مطابق سوئی سدرن گیس کمپنی (ایس ایس جی سی) کیتے ایل این جی دی قیمت اچ 6 ڈالر 45 سینٹ فی ایم ایم بی ٹی یو ودھارا کیتا ڳئے، جیںدے بعد نویں قیمت 25 ڈالر 8 سینٹ فی ایم ایم بی ٹی یو مقرر کر ݙتی ڳئی اے۔ ایس ایس جی سی کیتے نرخاں اچ مجموعی طور تے 34.62 فیصد اضافہ تھئے۔ ٻئے پاسو سوئی ناردرن گیس پائپ لائنز لمیٹڈ (ایس این جی پی ایل) کیتے ایل این جی دی قیمت اچ 6 ڈالر 31 سینٹ فی ایم ایم بی ٹی یو اضافہ کیتا ڳئے، جیںدے بعد نویں قیمت ودھ تے 25 ڈالر 83 سینٹ فی ایم ایم بی ٹی یو مقرر کیتی ڳئی اے۔ ایس این جی پی ایل کیتے ایل این جی دا ملھ مجموعی طور تے 32 فیصد ودھایا ڳئے۔