امریکی ریاست واشنگٹن اچ جنگل دی ٻھاہ بے قابو، 5 ہزار گھر خالی، 600 عمارتاں تباہ

واشنگٹن۔ 3 اگست (اے پی پی) امریکی ریاست واشنگٹن دے مشرقی علاقیاں اچ لڳݨ آلی جنگل دی ٻھاہ تے قابو نئیں پاتا ونڄ سڳیا، جئیں پاروں تقریباً 5 ہزار گھراں کوں خالی کرا گھدا ڳیا جڈانجو 600 دے قریب مکانات، کاروباری مراکز تے ٻیاں عمارتاں تباہ تھی ڳئیاں۔اماراتی نیوز ایجنسی وام دے مطابق ریاست دے ݙوجھے وݙے شہر سپوکین تے ایں دے گرد و نواح اچ بھڑکݨ آلی ٻھاہ تقریباً 21 مربع کلومیٹر رقبے تئیں کھنڈ ڳئی اے۔ اے ٻھاہ مغربی امریکا اچ بھڑکݨ آلی درجناں جنگل دی ٻھاہ دا حصہ اے، جنھاں وفاقی، ریاستی تے مقامی اداریاں دی ٻگاہ وسماوݨ دی صلاحیت کوں شدید دباؤ اچ پا ݙتے۔ مغربی اڈاہو تے مشرقی اوریگن دے گھاس زاراں اچ لڳی ہک ٻئی وݙی ٻھاہ تے قابو پاوݨ کیتے عملہ مسلسل ݙاہویں ݙینہہ وی مصروف اے۔ بلڈوزراں تے ہیلی کاپٹراں دی مدد نال جاری کارروائیاں دے باوجود اے ٻھاہ تقریباً 1,360 مربع کلومیٹر رقبے کوں آپݨی ولھیٹ اچ ڳھن ڳھدے۔