ملک اچ سونے دی قیمت اچ 800 روپے ودھارا ریکارڈ

اسلام آباد۔ 10 اگست (اے پی پی) ملک اچ سونے دی قیمت 800 روپے ودھارے نال فی تولہ سونا 4 لَکھ 57 ہزار 336 روپے دا تھی ڳئے۔آل پاکستان جیمز اینڈ جیولرز ایسوسی ایشن موجب سنوار دے ݙینھ سونے دی فی تولہ قیمت 800 روپے ودھارے دے بعد فی تولہ سونا 4 لَکھ 57 ہزار 336 روپے دا تھی ڳئے۔ 24 قیراط سونے دے 10 گرام دی قیمت وی 685 روپے ودھارے دے بعد 391,406 روپے توں ودھ تے 392,091 روپے تھی ڳئی جݙاں جو 10 گرام 22 قیراط سونے دی قیمت 358,801 روپے توں ودھ تے 359,429 روپے تھی ڳئی۔آل سندھ صرافہ جیولرز ایسوسی ایشن رپورٹ کیتا جو فی تولہ چاندی دی قیمت 77 روپے ودھارے دے بعد 6,903 روپے تے ݙاہ گرام چاندی دی قیمت 66 روپے ودھارے دے بعد 5,918 روپے تھی ڳئی۔ ایسوسی ایشن رپورٹ کیتے جو بین الاقوامی مارکیٹ اچ سونے دی قیمت 4,341 ڈالر توں ودھ تے 4,349 ڈالر تھی ڳئی۔